ദില്ലി:എയ‍ർഇന്ത്യയ്ക്കും എയർ ഏഷ്യയ്ക്കും ഏകീകൃത റിസർവ്വേഷന്‍ ആരംഭിച്ചു.ഒരു വെബ് സൈറ്റ് വഴി യാത്രാക്കാർക്ക് രണ്ട് വിമാനകമ്പനികളുടെയും ടിക്കറ്റ് ബുക്ക് ചെയ്യാന്‍ സാധിക്കുമെന്നുളളതാണ് ഏകീകൃത റിസർവ്വേഷന്‍ കൊണ്ടുളള പ്രയോജനം.
airindiaexpress.com എന്ന വെബ്സൈറ്റ്, റിസർവ്വേഷന്‍ സംവിധാനം, സോഷ്യല്‍ മീഡിയ അക്കൗണ്ടുകള്‍, ഉപഭോക്തൃസേവനം എന്നിവയാണ് നിലവില്‍ വന്നിട്ടുളളത്. മാസങ്ങള്‍ക്ക് മുന്‍പ് എയർ ഏഷ്യ ഇന്ത്യയെ എയർ ഇന്ത്യ ഏറ്റെടുത്തിരുന്നു. ഇതിന് പിന്നാലെയാണ് ഏകീകൃത വെബ്സൈറ്റ് നിലവില്‍ വന്നിരിക്കുന്നത്.
എയർ ഏഷ്യ ഇന്ത്യ ,ഇന്ത്യയിലെ 19 നഗരങ്ങളിലേക്കാണ് സർവിസ് നടത്തുന്നത്.എയർ ഇന്ത്യ എക്സ് പ്രസ് 14 വിദേശ നഗരങ്ങളിലേക്കും 19 ഇന്ത്യൻ നഗരങ്ങളിലേക്കും സർവിസ് നടത്തുന്നുണ്ട്.നിലവില്‍ എയര്‍ ഇന്ത്യ, എയര്‍ ഇന്ത്യ എക്സ്പ്രസ്, എയര്‍ ഏഷ്യ ഇന്ത്യ, വിസ്താര എന്നിങ്ങനെ നിലവില്‍ നാല് എയര്‍ലൈനുകള്‍ ടാറ്റ ഗ്രൂപ്പിന്‍റെ ഭാഗമാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.