കൊച്ചി: നവജാത ശിശുവിനെ ഉപേക്ഷിക്കുകയും വിൽക്കുകയും ചെയ്യുന്ന സംഭവങ്ങൾ വര്‍ദ്ധിക്കുമ്പോള്‍ മനുഷ്യജീവന്റെ പ്രാധാന്യം സജീവ ചർച്ചകൾക്കിടവരുത്തുന്നുവെന്ന്‍ പ്രൊ ലൈഫ് അപ്പോസ്തലേറ്റ്. ദൈവം ദാനമായി മാതാപിതാക്കൾക്ക് ഓരോ കുഞ്ഞിനെ നൽകുന്നതും സ്നേഹത്തോടെ സംരക്ഷിക്കാനും സമൂഹത്തിൽ മികച്ചവ്യക്തിയായി വളർത്തുവാനുമാണ്. അനേകം ദമ്പതികൾ കുഞ്ഞുങ്ങളില്ലാതെ വിഷമിക്കുമ്പോൾ ഉദരത്തിൽ വളരുന്ന കുഞ്ഞിനെ ഗര്‍ഭച്ഛിദ്രം ചെയ്യുവാനും, അതിന് പ്രേരണ നൽകുവാനും ശ്രമിക്കുന്നത് കുറ്റകരമാണ്. മാതാവിന്റെ മനസ്സും പിതാവിന്റെ സ്നേഹവും കരുതലും ഓരോ കുഞ്ഞിന്റെ അവകാശവും ആഗ്രഹവുമാണെന്ന മനോഭാവം മാതാപിതാക്കൾക്ക് ഉണ്ടാകണമെന്നും എക്സിക്യൂട്ടീവ് സെക്രട്ടറി സാബു ജോസ് പറഞ്ഞു.
നിയമപ്രകാരമുള്ള ദത്തെടുക്കൽ നടപടികൾ സ്വീകരിക്കാൻ കുഞ്ഞുങ്ങളില്ലാത്ത ദമ്പതികൾ തയ്യാറാകണം. നി‌‍‍‌ര്‍ദ‍്ധന കുടുംബങ്ങളിലെ പ്രസവം, കുഞ്ഞുങ്ങളെ വളർത്തൽ തുടങ്ങിയ കാര്യങ്ങളിൽ അർഹതയുള്ള മാതാപിതാക്കളെ സാമ്പത്തികമായി സഹായിക്കുവാൻ സർക്കാരും സന്നദ്ധ പ്രസ്ഥാനങ്ങളും തയ്യാറാകണമെന്നും അദ്ദേഹം അഭിപ്രായപ്പെട്ടു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26