ഖോ‍ർഫക്കാനില്‍ ബോട്ടപകടത്തില്‍ മലയാളി മരിച്ചു

ഖോർഫക്കാന്‍:ഈദ് അവധി ആഘോഷിക്കാനായി ഖോർഫക്കാനിലെത്തിയ മലയാളി ബോട്ടപകടത്തില്‍ മരിച്ചു.38 വയസുളള അഭിലാഷാണ് മരിച്ചത്. കാസർകോഡ് സ്വദേശിയാണ്. ഒരു കുട്ടിയടക്കം മൂന്ന് പേർക്ക് പരുക്കേറ്റുവെന്ന് ഷാർജ പോലീസ് സ്ഥിരീകരിക്കുന്നു. ഇതില്‍ ഒരാളുടെ നില ഗുരുതരമാണ്.
അപകടമുണ്ടാകുന്ന സമയത്ത് 2 ജോലിക്കാരും 16 യാത്രക്കാരും ബോട്ടിലുണ്ടായിരുന്നു. അഭിലാഷിന്‍റെ മൃതദേഹം ഖോർഫക്കാന്‍ ആശുപത്രിയില്‍ സൂക്ഷിച്ചിരിക്കുകയാണ്. ഭാര്യയും മകളുമുണ്ട്.