ഖോർഫക്കാനിൽ ബോട്ട് മറിഞ്ഞുണ്ടായ അപകടത്തില്‍ വിദ്യാർത്ഥി മരിച്ചു

ഖോർഫക്കാന്‍: വിനോദസഞ്ചാര ബോട്ട് മറിഞ്ഞുണ്ടായ അപകടത്തില്‍ പരുക്കേറ്റ് ചികിത്സയിലായിരുന്ന വിദ്യാർത്ഥി മരിച്ചു. കുരമ്പാല ചെറുതിട്ട ശ്രീരാഗത്തിൽ പ്രശാന്തിന്റെയും മഞ്ജുഷയുടെയും മകൻ പ്രണവ് എം.പ്രശാന്താണ് മരിച്ചത്. 7 വയസായിരുന്നു.
ഖോർഫക്കാനിൽ നിന്ന് ദുബായിലേക്കുളള യാത്രയ്ക്കിടെയാണ് അപകടമുണ്ടായത്. കഴിഞ്ഞ 21 നായിരുന്നു അപകടം. ചികിത്സയിലായിരുന്ന പ്രണവ് ഞായറാഴ്ചയാണ് മരിച്ചത്. കാസർകോട് സ്വദേശിയായ ഒരാൾ അപകട സ്ഥലത്ത് വച്ചുതന്നെ മരിച്ചിരുന്നു.