വാഷിങ്ടൺ: ഏറ്റവുമധികം ഉപഗ്രഹങ്ങളുള്ള ഗ്രഹമായി വീണ്ടും ശനി മാറി. വർഷങ്ങളോളം ഉപഗ്രഹങ്ങളുടെ കാര്യത്തിൽ കിരീടം വെച്ച രാജാവായിരുന്നു ശനി. എന്നാൽ ഈ വർഷം ഫെബ്രുവരിയിൽ വ്യാഴത്തിനു ചുറ്റും 12 പുതിയ ഉപഗ്രഹങ്ങൾ വലം വെക്കുന്നത് കണ്ടെത്തിയതോടെ ശനിയുടെ കിരീടം നഷ്ടമായിരുന്നു. പുതിയ ഉപഗ്രഹങ്ങൾ കൂടി വന്നതോടെ 95 ആയിരുന്നു വ്യാഴത്തിന്റെ ആകെ ഉപഗ്രഹങ്ങളുടെ എണ്ണം.
എന്നാൽ ഇപ്പോൾ ശനിക്കു ചുറ്റും പരിക്രമണം ചെയ്യുന്ന 62 പുതിയ ഉപഗ്രഹങ്ങളെ കണ്ടെത്തിയിരിക്കുകയാണ് ബ്രിട്ടീഷ് കൊളംബിയ യൂണിവേഴ്സിറ്റിയിൽ നിന്നുള്ള ജ്യോതി ശാസ്ത്രജ്ഞർ. ഇതോടെ വ്യാഴത്തെ പിന്തള്ളി 145 ഉപഗ്രഹങ്ങളുമായി ശനി കിരീടം ഉറപ്പിച്ചു.
ഉപഗ്രഹങ്ങൾ ആകാശത്ത് ചലിക്കുന്ന നിരക്കിൽ മാറ്റമുണ്ടാവുമ്പോൾ വളരെ മങ്ങിയ ഉപഗ്രഹങ്ങളെ പോലും കാണാൻ സാധിക്കും. ഈ ഉപഗ്രഹങ്ങളെ ട്രാക്ക് ചെയ്യുന്നത് കുട്ടികളുടെ ഗെയിം ഡോട്ട്-ടു-ഡോട്ട് കളിക്കുന്നത് പോലെയാണ്, കാരണം തങ്ങളുടെ ഡാറ്റയിലെ ഈ ഉപഗ്രഹങ്ങളുടെ വിവിധ രൂപങ്ങൾ ഒരു പ്രായോഗിക ഭ്രമണപഥവുമായി ബന്ധിപ്പിക്കേണ്ടതുണ്ടെന്ന് ഭാഗമായ തായ്‌വാനിലെ അക്കാദമിയ സിനിക്ക ഇൻസ്‌റ്റിറ്റ്യൂട്ട് ഓഫ് അസ്ട്രോണമി ആൻഡ് ആസ്ട്രോഫിസിക്‌സിലെ പോസ്‌റ്റ് ഡോക്‌ടറൽ ഫെല്ലോ എഡ്വേർഡ് ആഷ്‍ടൺ പറഞ്ഞു.
കണ്ടെത്തൽ 2019ലാണ് ആരംഭിച്ചത്. അതിനു ശേഷം വസ്‌തുക്കൾ യഥാർത്ഥത്തിൽ ഉപഗ്രഹങ്ങളാണെന്നും ഗ്രഹത്തിന്റെ വളയങ്ങളിൽ ഉണ്ടെന്ന് അറിയപ്പെടുന്ന ഛിന്നഗ്രഹങ്ങളല്ലെന്നും ഉറപ്പാക്കാൻ വർഷങ്ങളോളം വേണ്ടി വന്നു. പുതിയ ഉപഗ്രഹങ്ങൾ ക്രമരഹിത ഉപഗ്രഹങ്ങളുടെ വിഭാഗത്തിലാണ്. കാരണം അവയെ ശനി പിടിച്ചെടുക്കുമെന്ന് കരുതപ്പെടുന്നു, സാധാരണ ഉപഗ്രഹങ്ങളുമായി താരതമ്യപ്പെടുത്തുമ്പോൾ അവയുടെ വലുതും ദീർഘവൃത്താകൃതിയിലുള്ളതും ചെരിഞ്ഞതുമായ ഭ്രമണപഥങ്ങളാണ് ഇവയുടെ സവിശേഷത.
ഇതോടെ ഏറ്റവും കൂടുതൽ ഉപഗ്രഹങ്ങളുള്ളതിന്റെ കിരീടം ശനി വീണ്ടെടുക്കുക മാത്രമല്ല, 100ലധികം ഉപഗ്രഹങ്ങളുള്ള ആദ്യത്തെ ഗ്രഹമായി മാറുകയും ചെയ്‌തിരിക്കുകയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26