ഷാ‍ർജയില്‍ എഞ്ചിനീയറായ യുവതി ഷോക്കേറ്റ് മരിച്ചു

ഷാ‍ർജ: ഷാർജയില്‍ എഞ്ചിനീയറായ യുവതി ഷോക്കേറ്റുമരിച്ചു. കുളിമുറിയില്‍ വച്ച് ഷോക്കേറ്റാണ് നീതു മരിച്ചത്. 35 വയസായിരുന്നു. ഭർത്താവ് വിശാഖും എഞ്ചിനീയറാണ്. തൃശൂർ അയ്യന്തോൾ സ്വദേശിയാണു നീതു. 5 വയസ്സുകാരൻ നിവിഷ് കൃഷ്ണ മകനാണ്.

ഇവരുടെ താമസസ്ഥലത്തിന് അടുത്ത് ഇലക്ട്രിക് ജോലികള്‍ നടന്നുവരികയായിരുന്നു. കുളിമുറിയിലെ വെളളത്തില്‍ നിന്നുളള ഷോക്കേറ്റാണ് നീതു മരിച്ചതെന്നാണ് വിവരം. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം നാട്ടിലേക്ക് കൊണ്ടുപോകും.