ഓസ്റ്റിന്‍: ഓസ്റ്റിനില്‍ നടക്കുന്ന നോര്‍ത്ത് അമേരിക്കന്‍ മലയാളി സോക്കര്‍ ലീഗിന്റെ (NAMSL) രണ്ടാം വാര്‍ഷികത്തില്‍ പ്ലാറ്റിനം സ്‌പോണ്‍സറായി പിഎസ്ജി ( PSG) ഗ്രൂപ്പ് ഓഫ് കമ്പനീസിനെ പ്രഖ്യാപിച്ചു.
ഓസ്റ്റിന്‍ സ്ട്രൈക്കര്‍ പ്രസിഡന്റ് അജിത് വര്‍ഗീസ്, വൈസ് പ്രസിഡന്റ് പ്രശാന്ത് വിജയന്‍, സെക്രട്ടറി താരിഖ് ഇസ്മായില്‍, ട്രഷറര്‍ ബിജോയ് ജെയിംസ്, മറ്റ് ഓസ്റ്റിന്‍ സ്ട്രൈക്കേഴ്സ് ബോര്‍ഡ് അംഗങ്ങളും പിഎസ്ജി ഗ്രൂപ്പ് ഓഫ് കമ്പനീസ് മാനേജിങ് ഡയറക്ടര്‍ ജിബി പാറക്കലുമായി ചര്‍ച്ച നടത്തി ചെക്ക് സ്വീകരിച്ച് ഔദ്യോഗിക പ്രഖ്യാപനം നടത്തി.
ഐടി സേവനങ്ങള്‍, പിഎസ്ജി ഇന്‍ഫോ ബിസ്, റിയല്‍റ്റി നിക്ഷേപം, ഫാമുകള്‍, വാണിജ്യം, ഹോസ്പിറ്റാലിറ്റി, വിനോദം, ഫോറിന്‍ സെയില്‍സ് ആന്‍ഡ് അക്വിസിഷന്‍സ്, ഹോള്‍ഡിങ്‌സ്, ബില്‍ഡേഴ്‌സ് ആന്റ് ഡെവലപ്പര്‍മാര്‍, പാറക്കല്‍ ചാരിറ്റി ഇന്റര്‍നാഷണല്‍ തുടങ്ങി നിരവധി മേഖലകളില്‍ പിഎസ്ജി ഗ്രൂപ്പ് കമ്പനികള്‍ വ്യാപിച്ചുകിടക്കുന്നു.
ഓസ്റ്റിന്‍ സ്ട്രൈക്കേഴ്സ് സോക്കര്‍ ക്ലബാണ് ആഗസ്റ്റ് 5,6,7 തീയതികളില്‍ നടക്കുന്ന ഈ മെഗാ ടൂര്‍ണമെന്റിനു സംഘാടകരാകുന്നത്. അമേരിക്കയിലും കാനഡയില്‍ നിന്നുമായി ഇരുപതോളം മലയാളി സോക്കര്‍ ടീമുകള്‍ പങ്കെടുക്കും. പ്രസിഡന്റ് അജിത് വര്‍ഗീസ് (ഓസ്റ്റിന്‍ സ്ട്രൈക്കേഴ്സ്), വൈ. പ്രസിഡറന്റ് പ്രദീപ് ഫിലിപ്പ് (എഫ്‌സി കാരോള്‍ട്ടന്‍, ഡാളസ്), സെക്ടട്ടറി മാറ്റ് വര്‍ഗീസ് (ഫിലി ആഴ്സണല്‍ ), ട്രഷറര്‍ ജോ ചെറുശ്ശേരി (ബാള്‍ട്ടിമോര്‍ ഖിലാഡിസ്), ജോയിന്റ് ട്രഷറര്‍ ആശാന്ത് ജേക്കബ് (ഹൂസ്റ്റണ്‍ യുണൈറ്റഡ് ), സിജോ സ്റ്റീഫന്‍ (പബ്ലിക് റിലേഷന്‍, ഓസ്റ്റിന്‍ സ്ട്രൈക്കേഴ്സ്) എന്നിവരടങ്ങുന്ന കമ്മറ്റിയാണ് ഈ വര്‍ഷത്തെ ടൂര്‍ണമെന്റിന് നേതൃത്വം നല്‍കുന്നത്. ടൂര്‍ണമെന്റിന്റെ ഒരുക്കങ്ങള്‍ പുരോഗമിക്കുന്നു.
കഴിഞ്ഞ വര്‍ഷം ഫിലാഡല്‍ഫിയയില്‍ നടന്ന ഒന്നാം NAMSL ടൂര്‍ണമെന്റ് വന്‍ വിജയമായിരുന്നു. നോര്‍ത്ത് അമേരിക്കയിലെമ്പാടുമുള്ള മലയാളി ഫുട്‌ബോള്‍ പ്രതിഭകളെ എത്തിക്കുന്ന ഈ മെഗാ സോക്കര്‍ മേള സന്ദര്‍ശിക്കാന്‍ ചഅങടഘ ഓര്‍ഗനൈസേഷനും ഓസ്റ്റിന്‍ സ്‌ട്രൈക്കേഴ്‌സും എല്ലാവരേയും സ്‌നേഹപൂര്‍വ്വം ക്ഷണിക്കുന്നതായി അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.