ന്യൂയോര്‍ക്ക്: അമേരിക്കയില്‍ അബോര്‍ഷന്‍ ക്ലിനിക്കിലേക്കുള്ള പ്രവേശനം തടഞ്ഞ് പ്രതിഷേധിച്ച കത്തോലിക്കാ സന്യാസിയും പ്രോ-ലൈഫ് പ്രവര്‍ത്തകനുമായ ഫാ. ഫിഡെലിസ് മോസിന്‍സ്‌കിക്ക് ആറു മാസത്തെ ജയില്‍ ശിക്ഷ വിധിച്ച് കോടതി. പൂട്ടുകളും ചങ്ങലകളും സ്ഥാപിച്ചാണ് ന്യൂയോര്‍ക്കിലെ ഗര്‍ഭച്ഛിദ്ര കേന്ദ്രത്തിലേക്കുള്ള പ്രവേശനം വൈദികന് തടഞ്ഞത്. ജില്ലാ കോടതി ജഡ്ജി സ്റ്റീവന്‍ ടിസിയോണിയാണ് ആറ് മാസത്തെ ശിക്ഷ വിധിച്ചത്.
ഗര്‍ഭച്ഛിദ്ര കേന്ദ്രത്തിലേക്കുള്ള പ്രവേശനം തടസപ്പെടുത്തുന്നതിന് കഠിനമായ ശിക്ഷകള്‍ ചുമത്തുന്ന ക്ലിനിക് എന്‍ട്രന്‍സുകളിലേക്കുള്ള പ്രവേശന സ്വാതന്ത്ര്യ (ഫേസ്) നിയമം ലംഘിച്ചതായി കണ്ടെത്തിയതിനെ തുടര്‍ന്നാണ് ഫാ. മോസിന്‍സ്‌കിക്ക് ശിക്ഷ വിധിച്ചത്. ഇത്തരം കുറ്റകൃത്യങ്ങള്‍ക്ക് നല്‍കുന്ന പരമാവധി ശിക്ഷയാണ് വൈദികന് ലഭിച്ചത്.
ആസൂത്രിത രക്ഷാകര്‍തൃത്വം കൊലപാതകമായതു കൊണ്ടാണ് താന്‍ ക്ലിനിക്കിലേക്കുള്ള വഴി തടഞ്ഞതെന്നാണ് ഫാ. മോസിന്‍സ്‌കി ജഡ്ജിയോടു പറഞ്ഞത്. വൈദികന് റെഡ് റോസ് റെസ്‌ക്യൂ അംഗമാണെങ്കിലും, അബോര്‍ഷന്‍ ക്ലിനിക്കിലേക്കുള്ള പ്രവേശനം തടയാനുള്ള അദ്ദേഹത്തിന്റെ ശ്രമം സംഘടനയുടെ ഭാഗമല്ലെന്ന് റെഡ് റോസ് റെസ്‌ക്യൂ അറിയിച്ചു.
പ്രോ-ലൈഫ് ആക്ടിവിസത്തിന്റെ പേരില്‍ ഫാ. മോസിന്‍സ്‌കി മുമ്പ് അറസ്റ്റിലായിരുന്നു; എന്നാല്‍ ഫേസ് നിയമം ലംഘിച്ചതിന് കുറ്റക്കാരനാണെന്ന് കണ്ടെത്തുന്നത് ഇതാദ്യമാണ്. കഴിഞ്ഞ വര്‍ഷം, ഒരു അബോര്‍ഷന്‍ ക്ലിനിക്കില്‍ പ്രതിഷേധ സൂചകമായി സ്ഥാപനത്തില്‍ പ്രവേശിച്ചതിനാണ് അറസ്റ്റ് ചെയ്യപ്പെട്ടത്.
ആസൂത്രിത രക്ഷാകര്‍തൃത്വത്തിന്റെ ഭാഗമായി സംഭവിക്കുന്ന ഓരോ ഗര്‍ഭച്ഛിദ്രവും ഒരു നിരപരാധിയായ മനുഷ്യ ജീവനെ ബോധപൂര്‍വം കൊല്ലുന്നതാണെന്ന് വൈദികന് ജഡ്ജിയോടുള്ള തന്റെ പ്രസ്താവനയില്‍ പറഞ്ഞു. ഇതുകൂടാതെ ഈ രക്തരൂഷിതമായ പ്രവൃത്തി കുട്ടിയുടെ അമ്മയ്ക്ക് ആത്മീയവും മാനസികവുമായ ദോഷം ഉണ്ടാക്കുന്നു. അന്നും ഇന്നും തന്റെ എല്ലാ പ്രവര്‍ത്തനങ്ങളും പ്രതിരോധമില്ലാത്ത കുഞ്ഞുങ്ങളുടെ കൊലപാതകവും അവരുടെ അമ്മമാരെ മുറിവേല്‍പ്പിക്കുന്നതും തടയുന്നതിന് വേണ്ടി മാത്രമുള്ളതാണെന്ന് അദ്ദേഹം കൂട്ടിച്ചേര്‍ത്തു. ഫ്രാന്‍സിസ്‌ക്കന്‍ ഫ്രിയേഴ്സ് ഓഫ് റിന്യൂവല്‍ പുരോഹിതനാണ് ഫാ. ഫിഡെലിസ് മോസിന്‍സ്‌കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.