കുതിപ്പിനൊരുങ്ങി കുവൈറ്റ്, പുതിയ പദ്ധതികള്‍ പ്രഖ്യാപിച്ചു

കുവൈറ്റ് സിറ്റി: വമ്പന്‍ മാറ്റത്തിനൊരുങ്ങി കുവൈറ്റ്. 107 പദ്ധതികള്‍ ഉള്‍പ്പെടുന്ന 2023-27 വ‍ർഷത്തെ കർമ്മപദ്ധതി പ്രഖ്യാപിച്ചു. ദേശീയ അസംബ്ലയില്‍ പദ്ധതിയുടെ രൂപരേഖ അവതരിപ്പിച്ച് എംപിമാരുടെ നിർദ്ദേശങ്ങളോടെ അംഗീകാരം നല്‍കി. കുവൈറ്റ് അന്താരാഷ്ട്ര വിമാനത്താവളത്തില്‍ പുതിയ പാസഞ്ചർ ടെർമിനല്‍ തുറക്കും. പ്രതിവർഷം 25 ദശലക്ഷം യാത്രാക്കാരെ ഉള്‍ക്കൊളളാന്‍ കഴിയുന്നതായിരിക്കും പാസഞ്ചർ ടെർമിനല്‍. 21 വ​ൻ വി​മാ​ന​ങ്ങ​ളും 380 ചെ​റു​വി​മാ​ന​ങ്ങ​ളും ഒ​രേ​സ​മ​യം ഉ​ൾ​ക്കൊ​ള്ളാ​നും വി​മാ​ന​ത്താ​വ​ള​ത്തി​ന് ക​ഴി​യും. കുവൈറ്റിന്‍റെ മുഖമായി മാറും വിമാനത്താവളമെന്നാണ് വിലയിരുത്തല്‍.

മു​ബാ​റ​ക് അ​ൽ​ക​ബീ​ർ തു​റ​മു​ഖ​ത്തി​ന്‍റെ വി​ക​സ​നം പൂ​ർ​ത്തീ​ക​രി​ക്കും.​മു​ബാ​റ​ക് അ​ൽ​ക​ബീ​ർ തു​റ​മു​ഖ​ത്ത് ആ​ദ്യ​ഘ​ട്ട​ത്തി​ൽ 1.8 ദ​ശ​ല​ക്ഷം ക​ണ്ടെ​യ്‌​ന​റു​ക​ളും ര​ണ്ടാം​ഘ​ട്ട​ത്തി​ൽ 2.7 ദ​ശ​ല​ക്ഷം ക​ണ്ടെ​യ്‌​ന​റു​ക​ളും മൂ​ന്നാം ഘ​ട്ട​ത്തി​ൽ 3.6 ദ​ശ​ല​ക്ഷം ക​ണ്ടെ​യ്‌​ന​റു​ക​ളും സ്വീ​ക​രി​ക്കാ​നു​ള്ള ശേ​ഷി​യു​ണ്ടാ​കും. പ്ര​ധാ​ന ഹൈ​വേ​ക​ൾ, റെ​യി​ൽ​വേ എ​ന്നി​വ തു​റ​മു​ഖ​വു​മാ​യി ബ​ന്ധി​പ്പി​ക്കും.

പുതിയ റോഡുകള്‍ പാലങ്ങള്‍ എന്നിവയും രാജ്യത്ത് നിർമ്മിക്കും. ജിസി​സി രാ​ജ്യ​ങ്ങ​ൾ​ക്കി​ട​യി​ൽ അ​ന്താ​രാ​ഷ്ട്ര റോ​ഡ് ഗ​താ​ഗ​ത​ത്തി​ന്‍റെ ഏ​കീ​കൃ​ത സം​വി​ധാ​ന​വും വൈ​കാ​തെ നി​ല​വി​ൽ വ​രും.വി​വി​ധ ഗ​വ​ർ​ണ​റേ​റ്റു​ക​ളി​ൽ അ​ന്താ​രാ​ഷ്ട്ര നി​ല​വാ​ര​മു​ള്ള മൂ​ന്ന് സ്പോ​ർ​ട്സ് സ്റ്റേ​ഡി​യ​ങ്ങ​ളു​ടെ നി​ർ​മാ​ണവും പദ്ധതിയില്‍ ഉള്‍പ്പെടുന്നു. . 15,000 കാ​ണി​ക​ളെ ഉ​ൾ​​ക്കൊ​ള്ളാ​വു​ന്ന സു​ലൈ​ബി​ഖാ​ത്ത് സ്റ്റേ​ഡി​യം, 14,000 കാ​ണി​ക​ളെ ഉ​ൾ​ക്കൊ​ള്ളാ​വു​ന്ന ഫ​ഹാ​ഹീ​ൽ സ്റ്റേ​ഡി​യം, 15,000 കാ​ണി​ക​ളെ ഉ​ൾ​ക്കൊ​ള്ളാ​വു​ന്ന ഷ​ദാ​ദി​യ യൂ​ണി​വേ​ഴ്സി​റ്റി സ്റ്റേ​ഡി​യ​വും വരും വർഷങ്ങളില്‍ പ്രവർത്തന സജ്ജമാകും.