ലണ്ടന്‍: റഷ്യന്‍ കൂലിപ്പടയാളി സംഘമായ വാഗ്നര് ഗ്രൂപ്പിനെ നിരോധിക്കാന്‍ ഒരുങ്ങി യുകെ സര്‍ക്കാര്‍. വാഗ്നര് ഗ്രൂപ്പിനെ തീവ്രവാദ സംഘടനയായി പ്രഖ്യാപിക്കാന്‍ ഒരുങ്ങുകയാണ് ഭരണകൂടം. ഇതോടെ സംഘടനയില്‍ അംഗമാകുന്നതോ പിന്തുണയ്ക്കുന്നതോ ചെയ്യുന്നത് നിയമവിരുദ്ധമായി മാറും.
പാര്‍ലമെന്റില്‍ സമര്‍പ്പിക്കുന്ന കരട് ഉത്തരവില്‍ വാഗ്നര് അംഗങ്ങളുടെ സ്വത്തുക്കള്‍ തീവ്രവാദ സ്വത്തായി തരംതിരിക്കാനും കണ്ടുകെട്ടാനും അനുവദിക്കുന്ന തരത്തിലുള്ളതാണ്.
വാഗ്നര് അക്രമാസക്തനും വിനാശകാരിയുമാണെന്ന് ആഭ്യന്തര സെക്രട്ടറി സുവല്ലെ ബ്രാവര്‍മാന്‍ പറഞ്ഞു. റഷ്യന്‍ പ്രസിഡന്റ് പുടിന്റെ സൈനിക ഉപകരണമാണ് വാഗ്നര് ഗ്രൂപ്പ്. ഉക്രെയ്നിലും ആഫ്രിക്കയിലും അതിന്റെ പ്രവര്‍ത്തനം 'ആഗോള സുരക്ഷയ്ക്ക് ഭീഷണിയാണെന്ന്' ആഭ്യന്തര സെക്രട്ടറി പറഞ്ഞു. അടുത്തിടെയാണ് വാഗ്നര് ഗ്രൂപ്പിന്റെ മേധാവി യെവ്നി പ്രിഗോഷിന്‍ വിമാനാപകടത്തില്‍ കൊല്ലപ്പെട്ടത്. എന്നാല്‍ സംസ്‌കാരച്ചടങ്ങള്‍ കഴിഞ്ഞതിന് പിന്നാലെ താന്‍ ആഫ്രിക്കയില്‍ ജീവനോടെയുണ്ടെന്ന് പറയുന്ന അദ്ദേഹത്തിന്റെ വീഡിയോ പ്രചരിച്ചിരുന്നു.
ജൂലൈയില്‍, ആഫ്രിക്കയിലെ റഷ്യന്‍ ഗ്രൂപ്പുമായി ബന്ധമുണ്ടെന്ന് സംശയിക്കുന്ന 13 വ്യക്തികള്‍ക്കും ബിസിനസുകള്‍ക്കുമെതിരെ ബ്രിട്ടന്‍ ഉപരോധം പ്രഖ്യാപിച്ചു, അവിടെ കൊലപാതകങ്ങളും പീഡനങ്ങളും ഉള്‍പ്പെടെയുള്ള കുറ്റകൃത്യങ്ങള്‍ ആരോപിച്ചു.
സ്വകാര്യ സൈനിക കമ്പനി എന്നാണ് റഷ്യ വാഗ്നര് ഗ്രൂപ്പിനെ വിശേഷിപ്പിക്കുന്നത്. അമേരിക്ക പ്രോക്‌സി ഫോഴ്‌സ് എന്നും മറ്റുള്ളര്‍ കൂലിപ്പട്ടാളം എന്നും വിളിക്കുന്ന വാഗ്നര് ഗ്രൂപ്പ് 2014 ല്‍ ആണ് സ്ഥാപിതമായത്. 2014 ലും 2015 ലും ഉക്രെയ്‌നിലെ റഷ്യന്‍ നീക്കങ്ങളില്‍ വാഗ്നര് ഗ്രൂപ്പിനും പങ്കുണ്ടായിരുന്നു
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.