കോവിഡ് 19 യുഎഇയില്‍ ഇന്നലെ രേഖപ്പെടുത്തിയത് ഏറ്റവും ഉയർന്ന പ്രതിദിന കണക്ക്

അബുദാബി: യുഎഇയിൽ ഇന്നലെ രേഖപ്പെടുത്തിയത് കോവിഡ് രോഗികളുടെ ഏറ്റവും ഉയർന്ന കണക്ക്. 2,067 പുതിയ കേസുകളാണ് റിപ്പോർട്ട് ചെയ്തത്. ഇതാദ്യമാണ് ഇത്രയും പേർക്ക് ഒരു ദിവസത്തിനകം രോഗം സ്ഥിരീകരിക്കുന്നത്. ഇതോടെ ആകെ രോഗികളുടെ എണ്ണം 2, 18 766 ആയതായി ആരോഗ്യ രോഗപ്രതിരോധ മന്ത്രാലയം റിപ്പോർട്ട് ചെയ്തു.

നാല് പേർ മരിച്ചു. രോഗമുക്തി നേടിയവ‍ർ 2,199 ആണ്. രാജ്യത്ത് ഇതുവരെ രോഗമുക്തി നേടിയവർ 1,95, 520 ആണ്. ആകെ മരണം 689. 1,56,553 പേർക്ക് പുതുതായി രോഗ പരിശോധന നടത്തിയതോടെ യുഎഇയിൽ ആകെ പരിശോധന 22 മില്ല്യണായി.