തിരുവനന്തപുരം: ജീവന് രക്ഷാ ഉപകരണങ്ങള്ക്കു വേണ്ട മുഴുവന് വൈദ്യുതിയും സൗജന്യമായാണ് നല്കുന്നതെന്ന് കെഎസ്ഇബി. വൈദ്യുതിയില് പ്രവര്ത്തിക്കുന്ന എയര് ബെഡ്, സക്ഷന് ഉപകരണം, ഓക്സിജന് കോണ്സണ്ട്രേറ്റര് തുടങ്ങിയ ജീവന്രക്ഷാ ഉപകരണങ്ങള്ക്കുള്ള വൈദ്യുതിയാണ് സൗജന്യമായി നല്കുന്നത്. കെഎസ്ഇബി ഫെയ്സ്ബുക്ക് കുറിപ്പിലൂടെയാണ് ഇക്കാര്യം അറിയിച്ചത്.
പ്രതിമാസം വേണ്ട വൈദ്യുതി എത്രയാണെന്ന് ഉപകരണങ്ങളുടെ വാട്ടേജ്, ഉപയോഗിക്കുന്ന മണിക്കൂറുകള് എന്നിവ അടിസ്ഥാനമാക്കി അതത് സെക്ഷന് അസിസ്റ്റന്റ് എന്ജിനീയര് കണക്കാക്കും. ആറ് മാസത്തേക്ക് ആയിരിക്കും ഇളവ് അനുവദിക്കുക. അതിനു ശേഷം ജീവന്രക്ഷാ സംവിധാനം തുടര്ന്നും ആവശ്യമാണെന്ന സര്ക്കാര് ഡോക്ടറുടെ സര്ട്ടിഫിക്കറ്റിന്മേല് ഇളവ് വീണ്ടും അനുവദിക്കുന്നതാണെന്നും കെഎസ്ഇബി അറിയിച്ചു.
ഈ ആനുകൂല്യം ലഭിക്കാന് നേരത്തെ 200/ രൂപയുടെ മുദ്രപ്പത്രത്തിലുള്ള സത്യവാങ്മൂലം സമര്പ്പിക്കേണ്ടിയിരുന്നു. ഇപ്പോള് വെള്ള കടലാസില് സത്യവാങ്മൂലം നല്കിയാല് മതിയാകും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26