ചിലിയുടെ മുൻ പ്രസിഡന്റ് സെബാസ്റ്റ്യൻ പിനേര ഹെലികോപ്റ്റർ അപകടത്തിൽ മരിച്ചു

സാൻ്റിയാഗോ: മുന്‍ ചിലിയന്‍ പ്രസിഡന്റ് സെബാസ്റ്റ്യന്‍ പിനേര ഹെലികോപ്റ്റര്‍ തകര്‍ന്ന് മരിച്ചു. മൂന്ന് പേര്‍ പരിക്കുകളോടെ രക്ഷപ്പെട്ടു. പിനേര അടക്കം നാലുപേരാണ് അപകടത്തില്‍പ്പെട്ട ഹെലികോപ്ടറില്‍ ഉണ്ടായിരുന്നത്. രക്ഷാപ്രവര്‍ത്തകര്‍ പിനേരയുടെ മൃതദേഹം കണ്ടെടുത്തതായും സര്‍ക്കാര്‍ ദേശീയ ദുഖാചരണം പ്രഖ്യാപിക്കുമെന്നും ചിലി ആഭ്യന്തര മന്ത്രി കരോലിന തോഹ വ്യക്തമാക്കി.

ഹെലികോപ്റ്റര്‍ തകര്‍ന്ന് വീണ ലാഗോ റാങ്കോയ്ക്ക് സമീപം കനത്ത മഴയുടെയും കാറ്റിന്റെയും ദൃശ്യങ്ങള്‍ പ്രാദേശിക മാധ്യമങ്ങള്‍ പങ്കുവെച്ചിട്ടുണ്ട്. ചിലിയിലെ പ്രധാനപ്പെട്ട അവധിക്കാല കേന്ദ്രമാണ് അപകടം നടന്ന ലാഗോ റാങ്കോ.
2010 മു​ത​ൽ 2014 വ​രെ​യും പി​ന്നീ​ട് 2018 മു​ത​ൽ ക​ഴി​ഞ്ഞ വ​ർ​ഷം വ​രെ​യും ചി​ലി​യെ ന​യി​ച്ച യാ​ഥാ​സ്ഥി​തി​ക രാ​ഷ്ട്രീ​യ​ക്കാ​ര​നാ​യി​രു​ന്നു പി​നേ​ര. ചി​ലി​യി​ലെ അ​തി​സ​മ്പ​ന്ന​രി​ൽ ഒ​രാ​ളാ​യ അ​ദ്ദേ​ഹം ഒ​രു വ്യ​വ​സാ​യി കൂ​ടി​യാ​യി​രു​ന്നു.

തെ​ക്കേ അ​മേ​രി​ക്ക​യി​ലെ രാ​ഷ്ട്രീ​യ നേ​താ​ക്ക​ൾ പി​നേ​ര​യ്ക്ക് ആ​ദ​രാ​ഞ്ജ​ലി​ക​ൾ അ​ർ​പ്പി​ച്ചു. ത​നി​ക്ക് വ​ലി​യ ദുഖം തോ​ന്നി​യെ​ന്നും ഇ​ത് നി​ക​ത്താ​നാ​വാ​ത്ത ന​ഷ്ട​മാ​ണെ​ന്നും അ​ർ​ജ​ന്‍റീ​നി​യ​ൻ മു​ൻ പ്ര​സി​ഡ​ന്‍റ് മൗ​റി​സി​യോ മാ​ക്രി പ്ര​തി​ക​രി​ച്ചു. സു​ഹൃ​ത്തി​ന്‍റെ മ​ര​ണ​ത്തി​ൽ വ​ലി​യ ദുഖം തോ​ന്നു​ന്നു​വെ​ന്ന് കൊ​ളം​ബി​യ​യു​ടെ മു​ൻ പ്ര​സി​ഡ​ന്‍റ് ഇ​വാ​ൻ ഡ്യൂ​ക്ക് പ​റ​ഞ്ഞു.