കര, കടൽ അതിർത്തികൾ കുവൈറ്റ് വീണ്ടും അടയ്ക്കുന്നു

കുവൈറ്റ് സിറ്റി: കുവൈറ്റിൽ കൊറോണ വൈറസ് ബാധ നിയന്ത്രിക്കുന്നതിനായി നാളെ മുതൽ കൂടുതൽ അറിയിപ്പ് ലഭിക്കുന്നതുവരെ കര, കടൽ അതിർത്തികൾ അടയ്ക്കുന്നു. കുവൈറ്റ് പൗരന്മാർക്കും അവരുടെ അടുത്ത ബന്ധുക്കൾക്കും വീട്ടുജോലിക്കാർക്കും സൗദി അറേബ്യ-കുവൈറ്റ് ന്യൂട്രൽ സോണിൽ ജോലി ചെയ്യുന്ന ആളുകൾക്കും കര, കടൽ തുറമുഖങ്ങളിലൂടെ മടങ്ങാൻ അനുവാദമുണ്ട്. അടച്ചുപൂട്ടൽ ഷിപ്പിംഗ് പ്രവർത്തനങ്ങളെ ബാധിക്കില്ല എന്ന് കരുതുന്നു . പൗരന്മാരല്ലാത്തവരുടെ പ്രവേശനം കുവൈറ്റ് ശനിയാഴ്ച മുതൽ വിലക്കിയിരുന്നു.

കൊറോണ വൈറസിന്റെ വ്യാപനം തടയാനുള്ള ഏറ്റവും പുതിയ ശ്രമത്തിന്റെ ഭാഗമായി റെസ്റ്റോറന്റുകളിലും കഫേകളിലും ഡൈൻ-ഇൻ സേവനം മന്ത്രിസഭ നിരോധിച്ചു. കഴിഞ്ഞ ഏതാനും ആഴ്ചകളായി ദൈനംദിന അണുബാധകളുടെ എണ്ണത്തിൽ വർദ്ധനവ് രേഖപ്പെടുത്തിയിട്ടുണ്ട്. തിങ്കളാഴ്ച കുവൈറ്റ് ആരോഗ്യ മന്ത്രാലയം 899 പുതിയ കൊറോണ വൈറസ് അണുബാധകൾ പ്രഖ്യാപിച്ചു. ആകെ മൊത്തം കേസുകളുടെ എണ്ണം 184,989 ആയി. കോവിഡ് 19 മൂലം 1,049 പേർ മരണമടഞ്ഞു.