മെൽബൺ: മെൽബൺ സീറോ-മലബാർ രൂപതയുടെ വിശ്വാസ പരിശീലന പ്രിൻസിപ്പൽമാരുടെ ഒത്തുചേരൽ മെയ് 17, 18 തിയതികളിൽ നടക്കും. ലൗദാത്തോ സി (അങ്ങേയ്ക്ക് മഹത്വം) എന്ന് പേരിട്ടിരിക്കുന്ന കോൺഫറൻസിൽ ഓസ്‌ട്രേലിയയിലെയും ന്യൂസിലൻഡിലെയും 45 വിശ്വാസ പരിശീലന കേന്ദ്രങ്ങളിൽ നിന്നുള്ള പ്രതിനിധികളെ പങ്കെടുക്കും. വിശ്വാസ പരിശീലനം ശക്തിപ്പെടുത്താനും സഹകരണം വളർത്താനും ലക്ഷ്യമിട്ടുകൊണ്ടാണ് കോൺഫറൻസ് സംഘടിപ്പിക്കുന്നത്.
ഓസ്ട്രേലിയയിലെ സീറോ-മലബാർ രൂപത മെത്രാൻ മാർ ജോൺ പനംതോട്ടത്തിൽ സിഎംഐ സമ്മേളനം ഉദ്ഘാടനം ചെയ്യും. വികാരി ജനറൽ ഫാ. ഫ്രാൻസിസ് കോലഞ്ചേരി, ചാൻസലർ ഫാ. സിജീഷ് പുല്ലൻകുന്നേൽ, രൂപത കാറ്റിക്കിസം ഡയറക്ടർ ഫാ. മാത്യു അരീപ്ലാക്കൽ എന്നിവർ സമ്മേളനത്തിൽ പങ്കെടുക്കും.
പരിശീലന പരിപാടികൾ, പാനൽ ചർച്ചകൾ, ഗ്രൂപ്പ് ചർച്ചകൾ, ടീമിനുള്ളിൽ നേതൃത്വം വർധിപ്പിക്കുന്നതിനായി രൂപകൽപ്പന ചെയ്ത സംവേദനാത്മക പ്രവർത്തനങ്ങൾ എന്നിവയുൾപ്പെടെ നിരവധി ആകർഷകമായ സെഷനുകൾ സമ്മേളനത്തിൽ ഉണ്ടായിരിക്കും.
മെൽബൺ സെന്റ് അൽഫോൺസ സീറോ മലബാർ കത്തീഡ്രൽ പള്ളിയിൽ പ്രവേശിച്ച് ദണ്ഡവിമോചനം സ്വീകരിക്കാനുള്ള അവസരവും സമ്മേളനത്തിൽ ഒരുക്കിയിട്ടുണ്ട്. പ്രിൻസിപ്പൽമാർക്ക് ചിന്തിക്കാനും വളരാനുമുള്ള അവസരമാണ് ലൗദാത്തോ സി സമ്മേളനം. അറിവ്, ജ്ഞാനം, അചഞ്ചലമായ ഭക്തി എന്നിവയാൽ നയിക്കാനുള്ള വിശ്വാസ പരിശീലന അംഗങ്ങളുടെ പ്രതിബദ്ധത പരിപാടി ഊട്ടിഉറപ്പിക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.