അജ്മാന്‍: സീറോ മലബാര്‍ കമ്മ്യൂണിറ്റി അജ്മാന്റെ ആഭിമുഖ്യത്തില്‍ പ്രവര്‍ത്തിക്കുന്ന മലയാളി സംരംഭകരുടെ കൂട്ടായ്മയായ ‘സ്‌പെക്ട്രം’ നടത്തുന്ന വാര്‍ഷിക ബിസിനസ് മീറ്റ് ഇന്ന്. ഉച്ച കഴിഞ്ഞ് നാല് മണിക്ക് Umm Al Moumineen Women's Association അജ്മാനിൽ നടക്കുന്നവാര്‍ഷിക ബിസിനസ് മീറ്റിൽ നൂറിലധികം മലയാളി സംരംഭകര്‍ പങ്കെടുക്കും.
2024 മെയ് 31 ന് നടന്ന സംരംഭക ഏകദിന സെമിനാറിലൂടെയാണ് 'സ്‌പെക്ട്രം' എന്ന നൂതന ആശയത്തിന് തുടക്കം കുറിച്ചത്. വ്യത്യസ്ത മേഖലയിലുള്ള നൂറിലധികം മലയാളി സംരംഭകരുടെ കൂട്ടായ്മയാണ് 'സ്‌പെക്ട്രം'.
സംരംഭകര്‍ക്കിടയില്‍ ഒരു പുതിയ സംസ്‌കാരം രൂപപ്പെടുത്തി, വിഭവങ്ങളും സേവനങ്ങളും പങ്കുവെക്കാനും പരസ്പരം അറിയാനും ആഴത്തിലുള്ള ബന്ധങ്ങള്‍ സ്ഥാപിക്കാനും സംയുക്ത സംരംഭങ്ങള്‍ ആരംഭിച്ചു വളര്‍ത്താനും പ്രതിസന്ധികള്‍ക്കിടയില്‍ പരസ്പരം പിന്തുണ നല്‍കുവാനുമുള്ള സംഘടിത പരിശ്രമമാണ് 'സ്‌പെക്ട്ര'ത്തിന്റെ അടിസ്ഥാന ലക്ഷ്യമെന്ന് സംഘാടകര്‍ അറിയിച്ചു.
വാര്‍ഷിക ബിസിനസ് മീറ്റ് ഫാ. ജോണ്‍ ജോസഫ് എടാട്ട് ഉദ്ഘാടനം ചെയ്യും. സ്‌പെക്ട്രം’ കമ്മിറ്റി അംഗങ്ങള്‍ വിവിധ പരിപാടികള്‍ക്ക് നേതൃത്വം നല്‍കും.
പരിപാടിയില്‍ ചർച്ചചെയ്യപ്പെടുന്ന പ്രധാന വിഷയങ്ങള്‍:
* Business Psychology
* Why Do We Do Business
* Business Philosophy
* Finance Management and its Challenges
* Presentation of Future Projects
വ്യത്യസ്ത മേഖലകളിലെ പ്രമുഖര്‍ നയിക്കുന്ന സെഷനുകളിലൂടെ സംരംഭകര്‍ക്കിടയില്‍ പുതിയ ആശയങ്ങള്‍ക്കും കൂട്ടായ വളര്‍ച്ചയ്ക്കും വഴിയൊരുക്കുമെന്ന് സംഘാടകര്‍ അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.