മുംബൈ: പശ്ചിമേഷ്യന് സംഘര്ഷത്തിന് താല്കാലിക വിരാമം വന്നതോടെ ഓഹരി വിപണിയില് കുതിപ്പ്. വ്യാപാരത്തിന്റെ തുടക്കത്തില് ബിഎസ്ഇ സെന്സെക്സ് 2700 പോയിന്റ് മുന്നേറി. നിഫ്റ്റിയിലും സമാനമായ മുന്നേറ്റം ദൃശ്യമായി.
ഡോളറിനെതിരെ രൂപയുടെ മൂല്യവും ഉയര്ന്നു. 50 പൈസയുടെ നേട്ടത്തോടെ 92.56 എന്ന നിലയിലേക്കാണ് രൂപയുടെ മൂല്യം ഉയര്ന്നത്. എണ്ണവില കുറഞ്ഞത് അടക്കമുള്ള ഘടകങ്ങളാണ് രൂപയ്ക്ക് നേട്ടമായത്.
സമാധാന ശ്രമത്തിന്റെ ഫലമായി ഹോര്മുസ് കടലിടുക്കിലൂടെയുള്ള സുരക്ഷിതമായ ഗതാഗതത്തിന് ഇറാന് സമ്മതിച്ചതോടെ ആഗോള വിപണികളെല്ലാം മുന്നറ്റത്തിലാണ്. ഇതാണ് ഇന്ത്യന് വിപണിയിലും പ്രതിഫലിച്ചത്. അമേരിക്കന് പ്രസിഡന്റ് ഡൊണാള്ഡ് ട്രംപ് ഇറാനെതിരായ ആക്രമണങ്ങള്ക്ക് രണ്ടാഴ്ചത്തെ വെടിനിര്ത്തല് പ്രഖ്യാപിച്ചതിനെ തുടര്ന്ന് എണ്ണവില കുത്തനെ ഇടിഞ്ഞിരുന്നു. ബാരലിന് 94 ഡോളറിലേക്കാണ് എണ്ണ വില താഴ്ന്നത്. ഇതും വിപണിയില് പ്രതിഫലിച്ചു.
കൂടാതെ ആര്ബിഐയുടെ റിപ്പോ നിരക്ക് പ്രഖ്യാപനത്തെയും വിപണി ഉറ്റുനോക്കുന്നുണ്ട്. പണപ്പെരുപ്പത്തെക്കുറിച്ചുള്ള കാഴ്ചപ്പാടും ആര്ബിഐയുടെ പ്രഖ്യാപനവും വരും മണിക്കൂറുകളില് വിപണിയെ സ്വാധീനിച്ചേക്കുമെന്നാണ് വിലയിരുത്തല്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.