ഡെറാഡൂണ്: പെട്രോളിന്റെയും പാചകവാതകത്തിന്റെയും വില വര്ധനവിനെതിരെ ഓട്ടോറിക്ഷ കെട്ടിവലിച്ച് ഉത്തരാഖണ്ഡ് മുന് മുഖ്യമന്ത്രി ഹരീഷ് റാവത്തിന്റെ പ്രതിഷേധം. ഡെറാഡൂണിലെ കോണ്ഗ്രസ് ഭവനില്നിന്ന് ഗാന്ധിപാര്ക്ക് വരെയാണ് ഹരീഷ് റാവത്ത് ഓട്ടോറിക്ഷ കെട്ടിവലിച്ചത്.
അദ്ദേഹത്തെ നൂറുകണക്കിന് പ്രവര്ത്തകര് ഗാന്ധിപാര്ക്ക് വരെ അനുഗമിച്ചു. ഗാന്ധി പാര്ക്കിലെത്തിയ റാവത്ത് തോളില് എല്പിജി സിലിണ്ടറുമായി സദസിനെ അഭിസംബോധന ചെയ്തു. കഴിഞ്ഞ മൂന്ന് മാസത്തിനുള്ളില് എല്പിജി സിലിണ്ടറുകളുടെ വില 250 രൂപ ഉയര്ന്നപ്പോള് പെട്രോളിന്റെ യും ഡീസലിന്റെയും വില അഭൂതപൂര്വമായ വര്ധനയാണ് രേഖപ്പെടുത്തിയത്.
പെട്രോളിയം ഉൽപ്പന്നങ്ങളിൽ നിന്നുമാത്രം കഴിഞ്ഞ ആറ് വര്ഷത്തിനുള്ളില് 21 ലക്ഷം കോടി രൂപയാണ് കേന്ദ്രം നേടിയത്. ആ പണം എവിടെപ്പോയെന്ന് ആര്ക്കും അറിയില്ല. സമ്പത്ത് വ്യവസ്ഥ തകര്ച്ചയിലാണെന്നും റാവത്ത് പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26