എല്ലാ വര്ഷവും ജൂണ് 30 നാണ് ലോകം അന്താരാഷ്ട്ര സോഷ്യല് മീഡിയ ദിനമായി ആഘോഷിക്കുന്നത്. 2010 ല് 'മാഷബിള്' എന്ന പ്രമുഖ ഡിജിറ്റല് മീഡിയ കമ്പനിയാണ് ആഗോളതലത്തില് ആശയവിനിമയ രംഗത്ത് വിപ്ലവം സൃഷ്ടിച്ച സോഷ്യല് മീഡിയയുടെ സ്വാധീനത്തെ അംഗീകരിക്കുന്നതിനായി ഈ ദിവസത്തിന് തുടക്കമിട്ടത്.
ഇന്ന് നമ്മുടെ ജീവിതത്തിന്റെ ഒഴിച്ചുകൂടാനാവാത്ത ഭാഗമായി മാറിയ ഡിജിറ്റല് ലോകത്തെ വിലയിരുത്താനുള്ള അവസരമാണിത്. മലയാളികള്ക്ക് സോഷ്യല് മീഡിയ എന്ന വാക്ക് ആദ്യം സമ്മാനിച്ച ഗൃഹാതുരത്വം ഓര്ക്കുട്ട് തന്നെയാണ്. ഇന്റര്നെറ്റ് കഫേകളില് പോയി കൂട്ടുകാര്ക്ക് അയച്ചിരുന്ന സ്ക്രാപ്പുകളും, പരസ്പരം എഴുതിയിരുന്ന ടെസ്റ്റിമോണിയലുകളും ഡിജിറ്റല് സൗഹൃദത്തിന്റെ ആദ്യപാഠങ്ങള് നമ്മെ പഠിപ്പിച്ചു. അക്കാലത്തെ ആ ചെറിയ കൂട്ടായ്മകളില് നിന്നാണ് ഇന്നത്തെ വലിയ സൈബര് ലോകത്തേക്കുള്ള നമ്മുടെ വളര്ച്ച ആരംഭിക്കുന്നത്.
കാലം മാറിയപ്പോള് ഓര്ക്കുട്ടിന്റെ ഓര്മ്മകളില് നിന്ന് നമ്മള് ഫേസ്ബുക്കും ഇന്സ്റ്റാഗ്രാമും കടന്ന്, ഇന്ന് ത്രെഡ്സ് പോലുള്ള പുതിയ കാലത്തെ സ്നേഹക്കൂട്ടിന്റെ നൂലുകളിലേക്ക് എത്തിനില്ക്കുന്നു. ഇന്ന് വിവരങ്ങളും വിനോദങ്ങളും വിരല്ത്തുമ്പില് അതിവേഗം ലഭ്യമാണ്.
ഫോട്ടോകളും റീലുകളും ലൈവ് സ്ട്രീമിംഗും വഴി ലോകത്തിന്റെ ഏത് കോണിലുള്ളവരുമായും സെക്കന്ഡുകള്ക്കുള്ളില് ബന്ധപ്പെടാന് നമുക്കിന്ന് സാധിക്കുന്നു.
അകലം കുറച്ച് ലോകത്തെ ഒരു ആഗോള ഗ്രാമമാക്കാന് സോഷ്യല് മീഡിയക്ക് കഴിഞ്ഞിട്ടുണ്ടെങ്കിലും, ഇതിന്റെ അമിത ഉപയോഗവും വ്യാജ വാര്ത്തകളും ഉയര്ത്തുന്ന വെല്ലുവിളികള് ചെറുതല്ല.
ഈ സോഷ്യല് മീഡിയ ദിനത്തില് യാഥാര്ത്ഥ്യങ്ങളെ മറക്കാതെ, ഡിജിറ്റല് സൗഹൃദങ്ങളെ കൂടുതല് ആരോഗ്യകരമായും ഉത്തരവാദിത്തത്തോടെയും മുന്നോട്ട് കൊണ്ടുപോകുമെന്ന് നമുക്ക് ഉറപ്പ് വരുത്താം.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.