നഗോയ: ഏഷ്യന്‍ ഗെയിംസ് വനിതകളുടെ ട്രാപ്പ് ഷൂട്ടിങില്‍ പുതിയ ഏഷ്യന്‍ റെക്കോര്‍ഡോടെ ഇന്ത്യയുടെ നീരു ദണ്ഡയ്ക്ക് സ്വര്‍ണം. വ്യക്തിഗത വിഭാഗത്തില്‍ മത്സരിച്ച നീരു, ഉജ്ജ്വല പ്രകടനത്തിലൂടെയാണ് ഇന്ത്യയ്ക്ക് ചരിത്രപരമായ നേട്ടം സമ്മാനിച്ചത്. ഏഷ്യന്‍ ഗെയിംസ് ചരിത്രത്തില്‍ വനിതകളുടെ ട്രാപ്പ് ഷൂട്ടിങ് വ്യക്തിഗത വിഭാഗത്തില്‍ ഇന്ത്യ നേടുന്ന ആദ്യ മെഡലാണിത്. നിലവിലെ ഏഷ്യന്‍ ഗെയിംസില്‍ ഇന്ത്യയുടെ അഞ്ചാമത്തെ സ്വര്‍ണ നേട്ടവും ആദ്യ വ്യക്തിഗത സ്വര്‍ണവുമാണിത്.
തായ്പേയിയുടെ വാന്‍ യു ലിയുവിന്റെ 24 പോയിന്റെന്ന ഏഷ്യന്‍ റെക്കോര്‍ഡ് തകര്‍ത്താണ് നീരു പോഡിയത്തിന്റെ ഏറ്റവും മുകളിലെത്തിയത്. ആദ്യ സീരീസില്‍ തന്നെ അഞ്ച് പോയിന്റോടെ മികച്ച തുടക്കം കുറിച്ച താരം, മൂന്ന്, നാല്, ആറ് സീരീസുകളിലും അഞ്ച് പോയിന്റ് വീതം സ്വന്തമാക്കി ആധിപത്യം ഉറപ്പിക്കുകയായിരുന്നു.
മത്സരത്തില്‍ ചൈനയുടെ യുനോങ് സണ്‍ (26 പോയിന്റ്) വെള്ളി മെഡലും, കുവൈറ്റിന്റെ ഹാജര്‍ അബ്ദുള്‍മാലിക് (21 പോയിന്റ്) വെങ്കല മെഡലും നേടി.
നേരത്തെ, നീരു ദണ്ഡ, ആഷിമ അഹ്ലാവത്, മനീഷ കീര്‍ എന്നിവരടങ്ങിയ സംഘം വനിതകളുടെ ട്രാപ്പ് ഷൂട്ടിങ് ടീം ഇനത്തിലും ഇന്ത്യയ്ക്കായി വെള്ളി മെഡല്‍ നേടിയിരുന്നു. ടീം ഇനത്തില്‍ ചൈന സ്വര്‍ണവും കുവൈറ്റ് വെങ്കലവും സ്വന്തമാക്കി. വ്യക്തിഗത ഇനത്തില്‍ കൂടി റെക്കോര്‍ഡ് സ്വര്‍ണം നേടിയതോടെ ഗെയിംസിലെ മിന്നുന്ന താരമായി നീരു ദണ്ഡ മാറി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.