ജോലിയിൽനിന്ന് രണ്ട് മിനിറ്റ് നേരത്തെ ഇറങ്ങി: ജീവനക്കാരുടെ ശമ്പളം വെട്ടിക്കുറച്ച് ജാപ്പനീസ് സർക്കാർ

ടോക്കിയോ: ജോലി അവസാനിപ്പിച്ച്​ രണ്ട്​ മിനിറ്റ്​ നേരത്തെ ഇറങ്ങിയതിന്​ ജീവനക്കാരുടെ ശമ്പളം വെട്ടിക്കുറച്ച്​ ജാപ്പനീസ് സർക്കാർ. മാർച്ച്​ ആദ്യവാരം ഫുഭാഷി സിറ്റി ബോർഡ്​ ഒഫ്​ എഡ്യൂക്കേഷനിലാണ്​ സംഭവം നടന്നത്.

5.15 ആണ്​ ജോലി അവസാനിപ്പിക്കേണ്ട സമയം. എന്നാൽ, പലരും 5.13ന്​ തന്നെ പുറത്തിറങ്ങിയെന്ന്​ ഓഫീസിലെ അറ്റൻഡൻസിന്റെ ചുമതലയുള്ള ജീവനക്കാരൻ കണ്ടെത്തി. തുടർന്നാണ്​ നടപടിയുണ്ടായത്​.

2019 മേയ്​ മുതൽ 2021 ജനുവരി വരെ 319 പേരാണ്​ ഇത്തരത്തിൽ നേരത്തെ ജോലി അവസാനിപ്പിച്ച് പുറത്തിറങ്ങിയത്​. എന്നാൽ വീട്ടിലേക്കുള്ള ബസ്​ കിട്ടുന്നതിനായിരുന്നു നേരത്തെ ഇറങ്ങിയതെന്നാണ് ജീവനക്കാരുടെ വിശദീകരണം.