തിരുവനന്തപുരം: മുഖ്യമന്ത്രി പിണറായി വിജയന് കൊവിഡ് സ്ഥിരീകരിച്ചു. മുഖ്യമന്ത്രിയെ കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റും. നിലവില് രോഗലക്ഷണങ്ങളൊന്നുമില്ല. ഡോക്ടര്മാരുടെ നിര്ദ്ദേശം അനുസരിച്ച് തുടര്നടപടി സ്വീകരിക്കും. കഴിഞ്ഞമാസം മുഖ്യമന്ത്രി കോവിഡ് വാക്സിന്റെ ആദ്യഡോസ് സ്വീകരിച്ചിരുന്നു.
മുഖ്യമന്ത്രിയുടെ മകള് വീണയ്ക്ക് തെരഞ്ഞെടുപ്പ് ദിവസം കൊവിഡ് സ്ഥിരീകരിച്ചിരുന്നു. മരുമകനും ഡിവൈഎഫ്ഐ അഖിലേന്ത്യാ പ്രസിഡന്റുമായ പി.എ.മുഹമ്മദ് റിയാസിനും കൊവിഡ് സ്ഥിരീകരിച്ചു.
മുഖ്യമന്ത്രിക്ക് കൊവിഡ് സ്ഥിരീകരിച്ചതോടെ തെരഞ്ഞെടുപ്പുമായി ബന്ധപ്പെട്ട് കഴിഞ്ഞ ദിവസം ഒപ്പമുണ്ടായിരുന്നവർ നിരീക്ഷണത്തിൽ കഴിയേണ്ടി വരും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26