യുഎഇയില്‍ ഇന്ന് 1798 പേർക്ക് കോവിഡ്; നാല് മരണം

അബുദാബി: യുഎഇയില്‍ ഇന്ന് 1798 പേർക്ക് കൂടി കോവിഡ് സ്ഥിരീകരിച്ചതായി ആരോഗ്യ പ്രതിരോധ മന്ത്രാലയം അറിയിച്ചു.
1731 പേർ രോഗമുക്തി നേടി. പുതിയ നാലുമരണം കൂടി ഇന്ന് റിപ്പോർട്ട് ചെയ്തു.

രാജ്യത്ത് ഇതുവരെ 1541 പേര്‍ കോവിഡ് കാരണം മരണപ്പെട്ടു. ഇതുവരെ 4,89,495 കോവിഡ് കേസുകള്‍ സ്ഥിരീകരിച്ചിട്ടുണ്ട്. അതേസമയം 4,73,398 പേര്‍ ഇതുവരെ രോഗമുക്തി നേടി. കഴിഞ്ഞ 24 മണിക്കൂറിനിടെ പുതുതായി 256,181 കോവിഡ് പരിശോധനകള്‍ നടന്നു.