പ്രത്യേക പരി​ഗണന ഇനി രാഷ്ട്രീയക്കാർക്ക് നൽകില്ല; നിലപാട് വ്യക്തമാക്കി ഫേസ്ബുക്ക്

ന്യൂഡൽഹി: രാഷ്ട്രീയക്കാരുടെ പോസ്റ്റുകൾക്ക് നൽകുന്ന പ്രത്യേക പരിഗണന നിർത്തലാക്കാനൊരുങ്ങുന്നതായി ഫേസ്ബുക്ക്. കണ്ടന്റ് മോഡറേഷൻ നിയമങ്ങളിൽ നിന്നും രാഷ്ട്രീയക്കാരെ ഒഴിവാക്കുന്ന നയമാണ് ഫേസ്ബുക്ക് ഒഴിവാക്കാനൊരുങ്ങുന്നത്.

ഫേസ്ബുക്കിന്റെ മോഡറേഷൻ നയം പരിശോധിക്കുന്ന ബോർഡിന്റെ നിർദ്ദേശ പ്രകാരമാണ് നീക്കം. ‌‌‌രാഷ്ട്രീയക്കാർ വ്യാജവാർത്തകൾ പ്രചരിപ്പിക്കുകയും പരസ്പരം അതിരു കടന്ന ആരോപണ പ്രത്യാരോപണങ്ങൾ നടത്തുന്നതിനും ഫേസ്ബുക്ക് മാധ്യമമാക്കുന്നതിനെതിരെ വിമർശനങ്ങൾ ഉയർന്നു വരുന്നതിനിടെയാണ് നീക്കം.

നിലവിൽ സാധാരണയുള്ള മോഡറേഷൻ നയങ്ങളിൽ രാഷ്ട്രീയക്കാർക്ക് പരിഗണന ലഭിക്കുന്നുണ്ട്. ഈ പരിഗണനയാണ് ഇപ്പോൾ ഫേസ്ബുക്ക് ഒഴിവാക്കാനൊരുങ്ങുന്നത്.