ന്യൂഡൽഹി: നൂറ്റിഅൻപത് കോടി രൂപയുടെ വന്‍ 'ചൈനീസ്' സൈബര്‍ തട്ടിപ്പിലൂടെ ഇന്ത്യക്കാരുടെ കോടിക്കണക്കിനു രൂപ തട്ടിയെടുത്തതായി ഡല്‍ഹി പോലീസ്. പവര്‍ ബാങ്ക്, ഇസെഡ് പ്ലാന്‍ എന്നീ ആപ്പുകള്‍ വഴിയാണ് തട്ടിപ്പ് നടന്നത്. നിക്ഷേപം മണിക്കൂറുകള്‍ കൊണ്ട് ഇരട്ടിയാക്കുമെന്നു വാഗ്ദാനം ചെയ്ത ഈ ആപ്പ് ഗൂഗിള്‍ പ്ലേസ്റ്റോറില്‍ മുന്‍നിരയിലായിരുന്നു. ഇതേതുടർന്ന് നടത്തിയ അന്വേഷണത്തിലാണ് വന്‍ തോതിലുള്ള തട്ടിപ്പ് കണ്ടെത്തിയത്.
ഒരു ഓണ്‍ലൈന്‍ മള്‍ട്ടി ലെവല്‍ മാര്‍ക്കറ്റിംഗ് ക്യാമ്പയിനിന്റെ ഭാഗമായാണ് തട്ടിപ്പ് കളമൊരുങ്ങിയത്. പെട്ടെന്നു വരുമാനം വര്‍ദ്ധിക്കുമെന്നു കാണിച്ചാണ് ആപ്പിലൂടെ ക്യാമ്പയിന്‍ നടത്തിയത്. ഈ വിധത്തില്‍ അഞ്ച് ലക്ഷത്തോളം ഇന്ത്യക്കാരുടെ ലക്ഷക്കണക്കിനു രൂപയാണ് നഷ്ടപ്പെട്ടത്. വെറും രണ്ട് മാസത്തിനുള്ളില്‍ 150 കോടിയിലധികം രൂപ ഇവര്‍ കൈക്കലാക്കിയതായി പോലീസ് കമ്മീഷണര്‍ എസ് എന്‍ ശ്രീവാസ്തവ പറഞ്ഞു.
ചൈന ആസ്ഥാനമായുള്ള സ്ഥാപനമാണിത്. ഗുഡ്ഗാവിലായിരുന്നു ഇവരുടെ ഓഫീസ്. ആപ്പ് വഴി വന്‍ തോതില്‍ പണം വെളുപ്പിക്കാനും പദ്ധതിയുണ്ടായിരുന്നുവത്രേ. ഇതുമായി ബന്ധപ്പെട്ടു ഒരു ടിബറ്റന്‍ യുവതിയടക്കം എട്ട് പേര്‍ അറസ്റ്റിലായി.
വിവിധ ബാങ്ക് അക്കൗണ്ടുകളിലും പേയ്‌മെന്റ് ഗേറ്റ്‌വേകളിലും 11 കോടി രൂപയാണ് ഇവര്‍ തട്ടിയെടുത്തത്. ചൈനീസ് തട്ടിപ്പുകാര്‍ക്കായി 110 ഓളം കമ്പനികള്‍ രൂപീകരിച്ചിരുന്നു. ഗുഡ്ഗാവ് ആസ്ഥാനമായുള്ള പ്രധാന കമ്പനിയില്‍ നിന്ന് 97 ലക്ഷം രൂപയും കണ്ടെടുത്തു. ഈ ആപ്ലിക്കേഷനുകള്‍ നിക്ഷേപ തുക ഇരട്ടിയാക്കുമെന്നും നിക്ഷേപത്തിന്റെ ലാഭകരമായ വരുമാനം വാഗ്ദാനം ചെയ്തുമായിരുന്നു തട്ടിപ്പ്. ആപ്ലിക്കേഷനുകളിലൊന്നായ പവര്‍ ബാങ്ക് അടുത്തിടെ ഗൂഗിള്‍ പ്ലേ സ്‌റ്റോറിലെ നാലാം സ്ഥാനത്ത് ട്രെന്‍ഡിലായിരുന്നുവെന്ന് പോലീസുകാര്‍ പറഞ്ഞു.
ഈ ആപ്ലിക്കേഷനുകളെക്കുറിച്ച്‌ വാട്ട്‌സ്‌ആപ്പ്, ടെലിഗ്രാം എന്നിവ വഴിയാണ് പുറം ലോകമറിഞ്ഞത്. പവര്‍ ബാങ്ക്, ഇസെഡ് കോയിന്‍, സണ്‍ ഫാക്ടറി, ലൈറ്റനിംഗ് പവര്‍ ബാങ്ക് എന്നിവയുള്‍പ്പെടെ തട്ടിപ്പുകാര്‍ ഇത്തരം ധാരാളം ആപ്ലിക്കേഷനുകള്‍ പ്രചരിപ്പിച്ചു. ബള്‍ക്ക് എസ്‌എംഎസുകളിലൂടെ അയച്ച യൂട്യൂബ് ചാനലുകള്‍, ടെലിഗ്രാം ചാനലുകള്‍, വാട്ട്‌സ്‌ആപ്പ് ചാറ്റ് ലിങ്കുകള്‍ എന്നിവയിലൂടെയാണ് ഈ ആപ്ലിക്കേഷനുകളില്‍ ഭൂരിഭാഗവും പ്രൊമോട്ട് ചെയ്തതെന്ന് പോലീസുകാര്‍ പറഞ്ഞു.
പവര്‍ ബാങ്ക്, ഇസെഡ് പ്ലാന്‍ എന്നീ രണ്ട് ആപ്ലിക്കേഷനുകളെക്കുറിച്ച്‌ സൈബര്‍ ക്രൈം സെല്‍ സോഷ്യല്‍ മീഡിയയില്‍ ശ്രദ്ധിച്ചിരുന്നു. തുടര്‍ന്ന് എസിപി ആദിത്യ ഗൗതത്തിന്റെ നേതൃത്വത്തിലുള്ള ഒരു സംഘം ഒരു സൈബര്‍ലാബില്‍ ആപ്ലിക്കേഷനുകളുടെ വിപുലമായ സാങ്കേതിക വിശകലനം നടത്തി. ആളുകളെ കബളിപ്പിക്കാനുള്ള ശ്രമത്തില്‍ ഇവര്‍ ഏര്‍പ്പെട്ടിരിക്കുന്നതായി അന്വേഷണം കണ്ടെത്തി. ബെംഗളൂരു ആസ്ഥാനമായുള്ള ടെക്‌നോളജി സ്റ്റാര്‍ട്ട്‌അപ്പാണ് പവര്‍ ബാങ്ക് എന്ന് അവര്‍ വിശേഷിപ്പിച്ചിരുന്നുവെങ്കിലും ആപ്ലിക്കേഷന്‍ ഹോസ്റ്റുചെയ്ത സെര്‍വര്‍ ചൈന ആസ്ഥാനമാണെന്ന് കണ്ടെത്തി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.