ദുബായ്: കോവിഡ് വ്യാപന പശ്ചാത്തലത്തിൽ ഇന്ത്യയില്‍ നിന്നും യുഎഇയിലേക്കുളള യാത്രാ വിമാനങ്ങളുടെ വിലക്ക് തുടരും. അറിയിപ്പുണ്ടാകുന്നത് വരെ ഇന്ത്യയില്‍ നിന്ന് യു.എ.ഇയിലേക്ക് സര്‍വീസ് ഉണ്ടാവില്ലെന്നും യു.എ.ഇ ജനറല്‍ സിവില്‍ ഏവിയേഷന്‍ അതോറിറ്റി അധികൃതര്‍ വ്യക്തമാക്കി. ഇതോടെ, പെട്ടെന്ന് യു.എ.ഇയില്‍ എത്താമെന്ന പ്രതീക്ഷിച്ച മലയാളികള്‍ അടക്കമുള്ള പ്രവാസികൾ നിരാശയിലായി
അതേസമയം, ജൂലൈ ആറ് വരെ ഇന്ത്യയില്‍ നിന്ന് യു.എ.ഇയിലേക്ക് സര്‍വീസ് ഉണ്ടാവില്ലെന്നും കൃത്യമായ യാത്രാ പ്രോട്ടോകോള്‍ ലഭിച്ച ശേഷം മാത്രമേ സര്‍വീസ് പുനരാരംഭിക്കുവെന്നും എമിറേറ്റ്സ് എയര്‍ലൈന്‍ അറിയിച്ചിരുന്നു. ട്വിറ്ററിലൂടെ യാത്രക്കാരുടെ ചോദ്യങ്ങള്‍ക്ക് നല്‍കിയ മറുപടിയിലാണ് ഇക്കാര്യം അറിയിച്ചത്
ജൂണ്‍ 23 മുതല്‍ സര്‍വീസ് തുടങ്ങുമെന്നായിരുന്നു എമിറേറ്റ്സ് അറിയിച്ചിരുന്നത്. എന്നാല്‍, രണ്ട് ദിവസമായിട്ടും സര്‍വീസ് തുടങ്ങാത്തതിനെ തുടര്‍ന്ന് യാത്രക്കാര്‍ ട്വിറ്റര്‍ വഴി ചോദ്യമുന്നയിച്ചപ്പോഴാണ് എമിറേറ്റ്സ് മറുപടി നല്‍കിയത്.
ഇന്ത്യക്കൊപ്പം യാത്രയ്ക്ക് ഇളവ് നല്‍കിയിരുന്ന, നൈജീരിയ ദക്ഷിണാഫ്രിക്ക എന്നീ രാജ്യങ്ങളില്‍ നിന്നുളള യാത്രാവിലക്ക് പിന്നീട് നീട്ടിയിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.