പത്ത് ലക്ഷത്തില്‍ താഴെ വിലയില്‍ ആദ്യ ഇലക്‌ട്രിക് കാറുമായി മാരുതി സുസുക്കി

പത്ത് ലക്ഷത്തില്‍ താഴെ വിലയില്‍ ആദ്യ ഇലക്‌ട്രിക് കാറുമായി മാരുതി സുസുക്കി

ഇന്ത്യയില്‍ 10 ലക്ഷത്തില്‍ താഴെ വിലയുള്ള ഇലക്‌ട്രിക് വാഹനം പ്രഖ്യാപിച്ച്‌ മാരുതി സുസുക്കി. ഇന്ത്യയില്‍ ആയിരിക്കും സുസുക്കിയുടെ ആദ്യ ഇലക്‌ട്രിക് വാഹനം എത്തുകയെന്നാണ് റിപ്പോർട്ട്‌. പിന്നാലെ ജപ്പാനിലും യൂറോപ്യന്‍ രാജ്യങ്ങളിലും ഇലക്‌ട്രിക് വാഹനം എത്തുക.

കോംപാക്‌ട് ശ്രേണിയിലെത്തുന്ന ഈ ഇലക്‌ട്രിക് വാഹനം നിലവില്‍ വിപണിയില്‍ ലഭ്യമായ ഇലക്‌ട്രിക് വാഹനങ്ങളുമായി താരതമ്യം ചെയ്യുമ്പോൾ കുറഞ്ഞ വിലയില്‍ വില്‍പ്പനയ്ക്ക് എത്തുമെന്നാണ് റിപ്പോര്‍ട്ട്. 13,700 ഡോളറാണ് പ്രതീക്ഷിക്കുന്ന വില. ഇന്ത്യയില്‍ ഇലക്‌ട്രിക് വാഹനങ്ങള്‍ക്ക് സര്‍ക്കാര്‍ പ്രഖ്യാപിച്ചിട്ടുള്ള സബ്‌സിഡി കുറച്ച്‌ 10 ലക്ഷത്തില്‍ താഴെ ഈ വാഹനം ലഭ്യമാകും.

അതേസമയം, വാഗണ്‍ആറിന്റെ ഇലക്‌ട്രിക് മോഡലായിരിക്കും ഇന്ത്യയില്‍ എത്തിക്കുന്ന ആദ്യ ഇലക്‌ട്രിക് മോഡല്‍ എന്നായിരുന്നു മാരുതി സുസുക്കിയുടെ ആദ്യ പ്രഖ്യാപനം. ഇതിനായി ഈ വാഹനം പലതവണ പരീക്ഷണയോട്ടം നടത്തിയിരുന്നെങ്കിലും ഇലക്‌ട്രിക് വാഹനം എത്തിക്കുന്നതിനുള്ള അടിസ്ഥാന സൗകര്യങ്ങള്‍ രാജ്യത്ത് അപര്യാപ്തമാണെന്ന വിലയിരുത്തലില്‍ മാരുതി പദ്ധതി നിര്‍ത്തിവെയ്ക്കുകയായിരുന്നു.


വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26

ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.