തിരുവനന്തപുരം: ഈ വര്ഷത്തെ ഹയര് സെക്കന്ഡറി, വൊക്കേഷണല് ഹയര്സെക്കന്ഡറി പരീക്ഷാഫലങ്ങള് പ്രഖ്യാപിച്ചു. ഹയര് സെക്കന്ഡറി വിഭാഗത്തില് 87.94 ശതമാനം വിദ്യാര്ഥികള് വിജയിച്ചു. 85.13 ശതമാനമായിരുന്നു കഴിഞ്ഞ വര്ഷത്തെ വിജയശതമാനം. 3,28,702 പേര് ഉന്നത പഠനത്തിന് യോഗ്യത നേടി.
തിരുവനന്തപുരം പിആര്ഡി ചേംബറില് നടന്ന വാര്ത്താ സമ്മേളനത്തില് വിഭ്യാഭ്യാസ മന്ത്രി വി. ശിവന് കുട്ടിയാണ് ഫലം പ്രഖ്യാപിച്ചത്. ഓപ്പണ് സ്കൂള് വിഭാഗത്തില് 53 ശതമാനം പേര് വിജയിച്ചു. 25,293 വിദ്യാര്ഥികളാണ് വിജയിച്ചത്.
ജൂലൈ 15ന് പ്രാക്ടിക്കല് തീര്ന്ന് 15 ദിവസത്തിനുള്ളിലാണ് ഫലപ്രഖ്യാപനം. തിയറി പരീക്ഷയും പ്രാക്ടിക്കലും വൈകിയെങ്കിലും ഉത്തരക്കടലാസ് മൂല്യനിര്ണയത്തോടൊപ്പം ടാബുലേഷനും അതതു സ്കൂളുകളില് നിന്നും ചെയ്തതാണ് ഫലം പ്രസിദ്ധീകരിക്കുന്ന നടപടികള് വേഗത്തിലാക്കിയത്.
www.keralaresults.nic.in, www.dhsekerala.gov.in, www.prd.kerala.gov.in, www.results.kerala.gov.in, www.kerala.gov.in. എന്നീ വെബ്സൈറ്റുകളിലും Saphalam 2022, iExaMS-Kerala എന്നീ മൊബൈല് ആപ്ലിക്കേഷനികളിലൂടെയും നാലു മണി മുതല് പരീക്ഷാഫലം ലഭ്യമാകും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26