കുട്ടികളുടെ പഠനകാര്യത്തില്‍ ന്യൂറോ പ്ലാസ്റ്റിസിറ്റിയുടെ പങ്ക്

കുട്ടികള്‍ക്ക് സംഗീതപരമായും ഗണിത ശാസ്ത്രപരമായും കലാപരമായും ഇന്ദ്രിയ സംബന്ധമായും സാമൂഹിക പരമായുമൊക്കെയുള്ള അനുഭവങ്ങള്‍ ലഭിക്കുന്നുണ്ടെന്ന് ഉറപ്പു വരുത്താന്‍ രക്ഷിതാക്കള്‍ ന്യൂറോപ്ലാസ്റ്റിസിറ്റി എന്ന ആശയത്തിലേക്ക് ശ്രദ്ധ തിരിക്കേണ്ടിയിരിക്കുന്നു. ഇത്തരം അനുഭവങ്ങളിലൂടെയാണ് കുട്ടിയുടെ ധാരണാപരമായ കഴിവുകള്‍ രൂപപ്പെടാന്‍ തുടങ്ങുന്നത്.

രൂപാന്തരം പ്രാപിക്കാനുള്ള തലച്ചോറിന്റെ കഴിവിനെയാണ് ന്യൂറോപ്ലാസ്റ്റിസിറ്റി എന്നത് കൊണ്ട് ഉദ്ദേശിക്കുന്നത്. കുട്ടികള്‍ പഠിക്കുന്നതിനും ചലനാത്മകമായ സാഹചര്യങ്ങളോട് പൊരുത്തപ്പെടുന്നതിനും അനുസരിച്ച് തലച്ചോര്‍ അതിന്റെ ഘടനയില്‍ രൂപാന്തരം വരുത്തുന്നത് എങ്ങനെയാണെന്ന് തിരിച്ചറിയാന്‍ അത് ആളുകളെ സഹായിക്കുന്നു. ഈ കഴിവാണ് ഫലപ്രദമായ ബന്ധങ്ങള്‍ രൂപീകരിക്കാനുള്ള സന്ദേശങ്ങള്‍ അയക്കുന്നതിനും കുട്ടിയുടെ പഠനാനുഭവത്തെ ഉത്തേജിപ്പിക്കുന്നതിനും തലച്ചോറിനെ സഹായിക്കുന്നത്.

തലച്ചോറിന് പ്രായം കുറയും തോറും പ്ലാസ്റ്റിസിറ്റി കൂടുതലായിരിക്കും. തലച്ചോറ് നിശ്ചലമായിരിക്കുന്ന ഒന്നല്ല എന്നാണ് ഇത് സൂചിപ്പിക്കുന്നത്. അത് സ്ഥിരമായി മാറിക്കൊണ്ടിരിക്കുകയും സാഹചര്യങ്ങളോടുള്ള പ്രതികരണമെന്ന നിലയില്‍ പുനര്‍സംഘടിപ്പിക്കപ്പെടുകയും ചെയ്യുന്നു. ഒരു മാംസ പേശിയാണ് തലച്ചോറ്. ഉപയോഗിക്കും തോറും അത് കൂടുതല്‍ ശക്തി നേടുന്നു. തലച്ചോറിന്റെ ഈ കഴിവ് അതായത് ന്യൂറോപ്ലാസ്റ്റിസിറ്റി ചെറിയ കൂട്ടികളിലെ ധാരണാപരവും സ്വഭാവപരവുമായ വികസന പ്രക്രിയകളെ രൂപപ്പെടുത്തുന്നതില്‍ നിര്‍ണ്ണായക പങ്കുവഹിക്കുന്നു.

വെല്ലുവിളികളുടെ വിവിധ തലങ്ങളിലൂടെയും പരിശീലന റൗണ്ടുകളിലൂടെയും കടന്നുപോകാന്‍ ഗെയിമിഫിക്കേഷന്‍ കുട്ടികളെ സഹായിക്കുന്നു. അവരുടെ സ്വന്തം കഴിവും സ്വാതന്ത്ര്യവും വികസിപ്പിക്കുന്നതില്‍ ഇത് നിര്‍ണ്ണായകമാണ്. പ്രായം കുറഞ്ഞ തലച്ചോറുകളില്‍ ന്യൂറോ പ്ലാസ്റ്റിസിറ്റി എത്രമാത്രം ഉയര്‍ന്നതാണെന്ന് നോക്കൂ. ന്യൂറോ പ്ലാസ്റ്റിസിറ്റിയെ മനസ്സിലാക്കാന്‍ വളര്‍ച്ചാ മനോഭാവത്തെക്കുറിച്ച് ധാരണയുണ്ടാകേണ്ടത് അത്യാവശ്യമാണ്. ബുദ്ധി ശക്തി കാലം കടന്നു പോകുന്നതനുസരിച്ച് വളരുന്നു എന്ന വിശ്വാസത്തെ ചുറ്റിപ്പറ്റിയാണ് ഇത് നിലനില്‍ക്കുന്നത്.

വളര്‍ച്ചാ മനോഭാവത്തിന് കരുത്ത് പകരുന്ന ശാസ്ത്രമാണ് ന്യൂറോ പ്ലാസ്റ്റിസിറ്റി. കുട്ടികള്‍ക്ക് പരിശ്രമത്തിലൂടെയും പരിശീലനത്തിലൂടെയും ദൃഢമായ ആഗ്രഹത്തിലൂടെയും കഴിവുകള്‍, അറിവ് എന്നിവ വികസിപ്പിച്ചെടുക്കാന്‍ കഴിയുന്നതിന് കാരണം ഇതാണ്. പഠനപ്രക്രിയെ തമാശകളുടെ അടിസ്ഥാനത്തില്‍ സമീപിക്കാനുള്ള വഴി ഒരുക്കുന്നതുമൂലം ഇത് സാധിക്കുന്നു.