കിവ്: റഷ്യയും ഉക്രെയ്നും തമ്മിലുള്ള യുദ്ധം സൈബർ ഇടങ്ങളിലേക്കും വ്യാപിക്കുന്നു. അനോണിമസ് എന്ന പേരിലുള്ള ഹാക്കര്‍മാരുടെ കൂട്ടായ്മ റഷ്യയുടെ വാര്‍ത്താ ഏജന്‍സിയായ ആര്‍.ടി ന്യൂസ് അടക്കമുള്ള ചാനലുകളും അവയുടെ വെബ് സൈറ്റുകളും ഹാക്ക് ചെയ്തു. സര്‍ക്കാര്‍ വെബ് സൈറ്റുകളെയും ആക്രമിച്ചിട്ടുണ്ട്.
ഒന്നിലധികം ട്വിറ്റര്‍ അക്കൗണ്ടുകളിലൂടെയാണ് ഹാക്ക് ചെയ്തത് എന്ന വിവരം അനോണിമസ് കൂട്ടായ്മ പുറത്തുവിട്ടത്. റഷ്യന്‍ ടി.വി ചാനലുകളില്‍ ഉക്രെയ്നിയന്‍ ഗാനങ്ങള്‍ പ്രദര്‍ശിപ്പിച്ചും ക്രെംലിന്‍ സര്‍ക്കാര്‍ നെറ്റ്വര്‍ക്കുകള്‍ പ്രവര്‍ത്തനരഹിതമാക്കിയും ഹാക്കര്‍മാര്‍ പ്രസിഡന്‍റ് വ്ലാദിമിര്‍ പുടിനെ വെല്ലുവിളിക്കുകയാണ്. റഷ്യന്‍ പ്രതിരോധ മന്ത്രാലയത്തിന്റെ വെബ്‌സൈറ്റായ ഡ്യുമ ഹാക്ക് ചെയ്യപ്പെട്ടിട്ടുണ്ട്. വെബ്സൈറ്റുകള് പൂര്‍ണ്ണമായും പ്രവര്‍ത്തനരഹിതമാക്കുകയും ചിലതിന്‍റെ പ്രവര്‍ത്തനം താറുമാറാക്കുകയും ചെയ്തിരിക്കുകയാണ്.
സൈബര്‍ സ്‌പേസില്‍ റഷ്യയെ നേരിടാന്‍ 'ഐടി ആര്‍മി' ആരംഭിച്ചതായി ഉക്രെയ്ന് ഉപപ്രധാനമന്ത്രി പറഞ്ഞതിന് പിന്നാലെയാണ് കടുത്ത സൈബര്‍ യുദ്ധവുമായി അജ്ഞാത സംഘമെത്തുന്നത്. ഹാക്കര്‍ കൂട്ടായ്മയായ അനോണിമസ് ആക്രമണങ്ങളുടെ ഉത്തരവാദിത്തം ഏറ്റെടുത്ത് ട്വിറ്ററില്‍ രംഗത്തെത്തിയിട്ടുണ്ട്. "അനോണിമസ് റഷ്യയുമായി യുദ്ധത്തിലാണ്. കാത്തിരിക്കുക" -അവര്‍ ട്വീറ്റ് ചെയ്തു.
അമേരിക്കന്‍ രഹസ്യാന്വേഷണ ഏജന്‍സിയായ സി.ഐ.എയുടേതടക്കമുള്ള മുന്‍നിര വെബ്സൈറ്റുകള് ഹാക്ക് ചെയ്ത് വാര്‍ത്തകളില്‍ നിറഞ്ഞ കൂട്ടായ്മയാണ് 'അനോണിമസ്'.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.