സ്വ​കാ​ര്യ ട്രെ​യി​ന്‍ ടി​ക്ക​റ്റ് നി​ര​ക്ക് നി​ശ്ച​യി​ക്കാ​നു​ള്ള അ​ധി​കാ​രം അ​താ​തു കമ്പനികൾക്ക്: കേ​ന്ദ്രം

ന്യൂ​ഡ​ല്‍​ഹി: സ്വ​കാ​ര്യ ട്രെ​യി​ന്‍ സ​ര്‍​വീ​സു​ക​ളി​ലെ ടി​ക്ക​റ്റ് നി​ര​ക്ക് നി​ശ്ച​യി​ക്കാ​നു​ള്ള അ​ധി​കാ​രം അ​താ​തു കമ്പനി​ക​ള്‍​ക്കു ത​ന്നെ ന​ല്‍​കു​മെ​ന്നു കേ​ന്ദ്രം. സ​ര്‍​വീ​സ് ആ​രം​ഭി​ച്ച​തി​നു ശേ​ഷം ഇ​തി​നു​ള്ള ന​ട​പ​ടി​ക​ള്‍ ആ​രം​ഭി​ക്കു​മെ​ന്നും റെ​യി​ല്‍​വേ ബോ​ര്‍​ഡ് ചെ​യ​ര്‍​മാ​ന്‍ വി.​കെ. യാ​ദ​വ് വ്യ​ക്ത​മാ​ക്കി.

ഇ​തേ റൂ​ട്ടി​ല്‍ സ​ര്‍​വീ​സ് ന​ട​ത്തു​ന്ന എ​സി ബ​സു​ക​ളും സ്വ​കാ​ര്യ വി​മാ​ന​ങ്ങ​ളും ടി​ക്ക​റ്റ് നി​ശ്ച​യി​ക്കു​ന്ന​തി​നു മു​ന്പ് ഇ​തു കൂ​ടി പ​രി​ഗ​ണി​ക്കേ​ണ്ടി​വ​രു​മെ​ന്നും യാ​ദ​വ് കൂ​ട്ടി​ച്ചേ​ര്‍​ത്തു.

സ്വ​കാ​ര്യ ട്രെ​യി​ന്‍ സ​ര്‍​വീ​സു​ക​ള്‍ ആ​രം​ഭി​ക്കു​ന്ന​തി​നാ​യി ആ​ല്‍​സ്റ്റോം എ​സ്‌എ, ബൊം​ബാ​ര്‍​ഡി​യ​ര്‍, ജി​എം​ആ​ര്‍ ഇ​ന്‍​ഫ്രാ​സ്ട്ര​ക്ട​ര്‍ ലി​മി​റ്റ​ഡ്, അ​ദാ​നി എ​ന്‍റ​ര്‍​പ്രൈ​സ​സ് എ​ന്നി ക​ന്പ​നി​ക​ളാ​ണ് താ​ത്പ​ര്യം അ​റി​യി​ച്ചി​രി​ക്കു​ന്ന​ത്. ഇ​തി​ലൂ​ടെ അ​ടു​ത്ത അ​ഞ്ച് വ​ര്‍​ഷ​ത്തി​നി​ടെ 7.5 ബി​ല്ല്യ​ണ്‍ ഡോ​ള​ര്‍ നി​ക്ഷേ​പ​മാ​ണ് പ്ര​തീ​ക്ഷി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. പ്ര​ധാ​ന സ്റ്റേ​ഷ​നു​ക​ളി​ല്‍ നി​ന്നു ട്രെ​യി​ന്‍ യാ​ത്ര ചെ​യ്യ​ണ​മെ​ങ്കി​ല്‍ ടി​ക്ക​റ്റ് നി​ര​ക്കി​നൊ​പ്പം യൂ​സ​ര്‍ ഫീ ​കൂ​ടി ന​ല്‍​കേ​ണ്ടി വ​രു​മെ​ന്നും വി.​കെ. യാ​ദ​വ് പ​റ​ഞ്ഞു.

സ്വ​കാ​ര്യ വ​ത്ക​ര​ണം ന​ട​പ്പാ​ക്കു​ന്ന​തി​ന്‍റെ ഭാ​ഗ​മാ​യി റെ​യി​ല്‍​വെ സ്റ്റേ​ഷ​നു​ക​ളി​ലും വി​ക​സ​ന പ്ര​വ​ര്‍​ത്ത​ന​ങ്ങ​ള്‍ ന​ട​ക്കു​ന്നു​ണ്ട്. ഇ​ത്ത​രം സ്റ്റേ​ഷ​നു​ക​ളി​ല്‍ യൂ​സ​ര്‍ ഫീ ​ഏ​ര്‍​പ്പെ​ടു​ത്താ​നും അ​ത് സ്റ്റേ​ഷ​ന്‍റെ വി​ക​സ​ന​ത്തി​നു ഉ​പ​യോ​ഗി​ക്കാ​നു​മാ​ണ് ആ​ലോ​ചി​ക്കു​ന്ന​ത്.

ചെ​റി​യ തു​ക മാ​ത്ര​മാ​യി​രി​ക്കും ഇ​ത്ത​ര​ത്തി​ല്‍ ഈ​ടാ​ക്കു​ക​യു​ള്ളു​യെ​ന്നും അ​ധി​ക തു​ക ഈ​ടാ​ക്കു​ന്ന​തി​ലൂ​ടെ യാ​ത്ര​ക്കാ​ര്‍​ക്ക് മെ​ച്ച​പ്പെ​ട്ട സൗ​ക​ര്യ​ങ്ങ​ള്‍ ഏ​ര്‍​പ്പെ​ടു​ത്താ​നാ​കു​മെ​ന്നും അ​ദ്ദേ​ഹം വി​ശ​ദ​മാ​ക്കി.