മുംബൈ: റിസര്വ് ബാങ്ക് റിപ്പോ നിരക്കുകള് വര്ധിപ്പിച്ചു. റിപ്പോ നിരക്ക് 5.40 ശതമാനമായി. 0.50 ശതമാനമാണ് കൂട്ടിയത്. ഉയര്ന്നുനിര്ക്കുന്ന പണപ്പെരുപ്പവും ആഗോളതലത്തിലെ കേന്ദ്ര ബാങ്കുകളുടെ നിലപാടുമാണ് നിരക്ക് വര്ധനയ്ക്കു പിന്നില്.
ഉയര്ന്ന പണപ്പെരുപ്പമാണ് രാജ്യം നേരിടുന്നതെന്നും ഇതിനെ നിയന്ത്രണ വിധേയമാക്കാനാണ് നടപടിയെന്നും റിസര്വ് ബാങ്ക് ഗവര്ണര് ശക്തികാന്ത ദാസ് മാധ്യമങ്ങളോട് പറഞ്ഞു.
റിസര്വ് ബാങ്കിന്റെ കഴിഞ്ഞ പണ വായ്പ അവലോകന യോഗങ്ങളിലും മുഖ്യപലിശനിരക്ക് വര്ധിപ്പിച്ചിരുന്നു. പണപ്പെരുപ്പ് നിരക്ക് ഏഴു ശതമാനത്തിന് മുകളില് തന്നെ നില്ക്കുന്ന പശ്ചാത്തലത്തിലാണ് ഇത്തവണയും മുഖ്യപലിശനിരക്ക് വര്ധിപ്പിക്കാന് റിസര്വ് ബാങ്കിനെ പ്രേരിപ്പിച്ചത്.
മെയിലെ അസാധാരണ യോഗത്തില് 0.40ശതമാനവും ജൂണില് 0.50ശതമാനവുമാണ് നിരക്കില് വര്ധനവരുത്തിയത്. ഇത്തവണത്തെ വര്ധനവോടെ മൂന്നുമാസത്തിനിടെ നിരക്കിലുണ്ടായ വര്ധന 1.40ശതമാനമായി.
രാജ്യത്തെ പണപ്പെരുപ്പം തുടര്ച്ചയായി ആറാമത്തെ മാസവും ആര്ബിഐയുടെ ക്ഷമതാപരിധിയായ ആറുശതമാനത്തിന് മുകളിലാണ്. ഉപഭോക്ത വില സൂചിക പ്രകാരമുള്ള വിലക്കയറ്റം ജൂണില് 7.01ശതമാനമായിരുന്നു.
ആര്ബിഐയുടെ പ്രഖ്യാപനംവരുംമുമ്പെതന്നെ ബങ്കുകള് വായ്പാ പലിശ ഉയര്ത്തിതുടങ്ങിയിരുന്നു. കഴിഞ്ഞയാഴ്ചയിലെ യുഎസ് ഫെഡറല് റിസര്വിന്റെ യോഗത്തില് മുക്കാല്ശതമാനം വര്ധനവാണ് പ്രഖ്യാപിച്ചത്. ആഗോളതലത്തില് പ്രധാന രാജ്യങ്ങളിലെല്ലാം പണപ്പെരുപ്പം ഉയര്ന്ന നിലയിലാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26