അബുദബി താമസ മേഖലയില്‍ പരിശോധന, ആളേറിയാല്‍ പിഴ

അബുദബി: എമിറേറ്റിലെ ഫ്ളാറ്റുകളിലും വില്ലകളിലുമെല്ലാം അനുവദിച്ച രീതിയില്‍ മാത്രമെ താമസം പാടുളളൂവെന്ന് ഓർമ്മപ്പെടുത്തി അബുദബി മുനിസിപ്പാലിറ്റിയും ഗതാഗതവകുപ്പും. അനുവദിച്ചതില്‍ കൂടുതല്‍ ആളുകള്‍ താമസിക്കുന്നുണ്ടെങ്കില്‍ പിഴ ചുമത്തും.ഇതേ കുറിച്ച് ജനങ്ങളെ ബോധവാന്മാരാക്കുന്നതിന് നിങ്ങളുടെ വീട്, നിങ്ങളുടെ ഉത്തരവാദിത്തം എന്ന ബോധവല്‍ക്കരണ ക്യാംപെയിനും എമിറേറ്റില്‍ ആരംഭിച്ചിട്ടുണ്ട്.

2023 ആദ്യ പാദത്തില്‍ താമസമേഖലകളില്‍ പരിശോധനകളുണ്ടാകും. 2019 ലെ 8-ാം നമ്പർ നിയമത്തിലെ വ്യവസ്ഥകളും ചട്ടങ്ങളും ലംഘിക്കുന്ന ഏതൊരു വ്യക്തിക്കും സ്വത്തുക്കളുടെയും റെസിഡൻഷ്യൽ യൂണിറ്റുകളുടെയും ഒക്യുപ്പൻസി നിയന്ത്രിക്കുന്നതുമായി ബന്ധപ്പെട്ട് ഒരു മില്യൺ ദിർഹം വരെ പിഴ ചുമത്താവുന്നതാണെന്നും അധികൃതർ അറിയിച്ചു.എമിറേറ്റിലെ ജീവിത നിലവാരം ഉയർത്തുന്നതിനും സുരക്ഷ ഉറപ്പാക്കുന്നതിനുമായാണ് ക്യാംപെയിന്‍ നടത്തുന്നത്. എ​മി​റേ​റ്റി​ലെ മൂ​ന്നു മു​നി​സി​പ്പാ​ലി​റ്റി​ക​ളി​ലെ​യും ഇ​ൻ​സ്പെ​ക്ട​ർ​മാ​രു​ടെ നേ​തൃ​ത്വ​ത്തി​ലാ​ണ്​ പ​രി​ശോ​ധ​ന ന​ട​ക്കു​ക.

ഓ​രോ ഫ്ളാറ്റിലും വില്ലകളിലും മറ്റ് താമസ മേഖലകളിലും നി​ശ്ചി​ത എ​ണ്ണം ആ​ളു​ക​ളെ മാ​ത്രം താ​മ​സി​പ്പി​ച്ച്​ നി​യ​മം അ​നു​സ​രി​ക്ക​ണ​മെ​ന്ന്​ അ​ധി​കൃ​ത​ർ പൗ​ര​ന്മാ​രോ​ടും റി​യ​ൽ എ​സ്​​റ്റേ​റ്റ്​ ഉ​ട​മ​ക​ളോ​ടും ബി​സി​ന​സു​കാ​രോ​ടും ആ​വ​ശ്യ​പ്പെ​ട്ടു. നി​യ​മ​ലം​ഘ​നം റി​പ്പോ​ർ​ട്ട് ചെ​യ്യ​പ്പെ​ട്ട് ഒ​രാ​ഴ്ച​ക്കു​ള്ളി​ൽ നി​യ​മ​ലം​ഘ​ക​ന് ‘ത​മ്മ്​’ പ്ലാ​റ്റ്‌​ഫോം വ​ഴി പ​രാ​തി സ​മ​ർ​പ്പി​ക്കാ​ൻ സൗ​ക​ര്യം അ​ധി​കൃ​ത​ർ ഒ​രു​ക്കി​യി​ട്ടു​ണ്ട്. മാനുഷിക പരിഗണന ഉറപ്പാക്കാനാണ് ഇത്. നിയമം ലംഘനം ശ്രദ്ധയില്‍ പെട്ടാല്‍ 800555 എന്ന നമ്പറില്‍ വിളിച്ചറിയിക്കാന്‍ പൊതുജനങ്ങള്‍ക്കും സൗകര്യമുണ്ട്.