തിരുവനന്തപുരം:ഇന്ന് മുതല്‍ ലെയ്ന്‍ ട്രാഫിക് ലംഘനത്തിന് പിഴ ഈടാക്കി തുടങ്ങും. ഗതാഗത കമ്മിഷണര്‍ എസ്.ശ്രീജിത്താണ് ഇക്കാര്യം വ്യക്തമാക്കിയത്. 1000 രൂപയാണ് പിഴ തുക. ലെയ്ന്‍ ട്രാഫിക് ലംഘനത്തിലൂടെ ഏകദേശം 37 ശതമാനം അപകടങ്ങള്‍ ഉണ്ടാകുന്നുണ്ടെന്ന് കണ്ടെത്തിയ പശ്ചാത്തലത്തിലാണ് നടപടി.
ചെറിയ ലംഘനങ്ങള്‍ എന്ന് വിചാരിക്കുന്നവ വലിയ ഭവിഷ്യത്തുകള്‍ ഉണ്ടാക്കും. ലംഘനങ്ങള്‍ തടയുന്നത് കര്‍ശനമായി നടപ്പാക്കാന്‍ ഈ വാരം ഉപയോഗിക്കുകയാണെന്നും എസ്.ശ്രീജിത്ത് പറഞ്ഞു. കഴിഞ്ഞ ദിവസം നടത്തിയ ബോധവത്ക്കരണത്തില്‍ ആയിരത്തിലേറെ ലംഘനങ്ങള്‍ കണ്ടെത്തിയതോടെയാണ് നടപടി കടുപ്പിച്ചത്.
റോഡ് സുരക്ഷാ വാരാചരണവും ഇന്നു തുടങ്ങുന്നതിനാല്‍ മറ്റു ഗതാഗത നിയമലംഘനങ്ങള്‍ കണ്ടെത്താനും പരിശോധന കര്‍ശനമാക്കും.
ലെയ്ന്‍ ട്രാഫിക് നിയമങ്ങളും നിര്‍ദേശങ്ങളും
*നാലുവരി-ആറുവരി പാതകളില്‍ വലിയ വാഹനങ്ങള്‍, ഭാരം കയറ്റിയ വാഹനങ്ങള്‍, വേഗം കുറഞ്ഞ വാഹനങ്ങള്‍ എന്നിവ റോഡിന്റെ ഇടതു വശം ചേര്‍ന്നു മാത്രമേ പോകാവൂ.
* വലതു വശത്തെ ട്രാക്ക് നിശ്ചിത വേഗത്തില്‍ പോകുന്നവര്‍ക്കും മറ്റു വാഹനങ്ങളെ ഓവര്‍ടേക്ക് ചെയ്യാനും മാത്രം.
*ന്മ ലെയ്ന്‍ മാറുമ്പോള്‍ സിഗ്‌നലുകള്‍ ഉപയോഗിക്കുക.
* റോഡിന്റെ വലതു വശത്തെ ലെയ്‌നില്‍ ഒരു കാരണവശാലും വാഹനം നിര്‍ത്തിയിടരുത്.
* റോഡിന്റെ ഇടതുവശത്ത് അനധികൃത പാര്‍ക്കിങ് പാടില്ല
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.