യുദ്ധം കനക്കുന്നു ; ടിഗ്രേയൻ തലസ്ഥാനത്തിനരികെ എത്യോപ്യൻ സൈന്യം

അഡിഡിസ് അബാബ : ടിഗ്രേയൻ തലസ്ഥാനത്ത് നിന്ന് 50 കിലോമീറ്റർ (30 മൈൽ) വടക്ക് വിക്രോ പട്ടണത്തിന്റെ നിയന്ത്രണം എത്യോപ്യൻ സൈന്യം പിടിച്ചെടുത്തതായി സർക്കാർ വൃത്തങ്ങൾ വ്യക്തമാക്കി. വടക്കൻ മേഖലയിലെ ആക്രമണത്തിന്റെ അവസാന ഘട്ടത്തിലേക്ക് കടന്നിരിക്കുകയാണ് എത്യോപ്യൻ സൈന്യം.

സർക്കാരും ടിപിഎൽഎഫ് സേനയും തമ്മിലുള്ള മൂന്നാഴ്ച നീണ്ടുനിന്ന പോരാട്ടത്തിൽ രണ്ടു ഭാഗവും ഉന്നയിക്കുന്ന അവകാശ വാദങ്ങൾ പരിശോധിക്കുന്നത് അസാധ്യമാണ്, കാരണം മേഖലയിലേക്കുള്ള ഫോൺ, ഇൻറർനെറ്റ് കണക്ഷനുകൾ വിച്ഛേദിക്കുകയും പ്രദേശത്തേക്കുള്ള പ്രവേശനം കർശനമായി നിയന്ത്രിക്കുകയും ചെയ്യുന്നു.

500,000 ആളുകൾ‌ താമസിക്കുന്ന നഗരമായ മെക്കെല്ലെക്കെതിരെയുള്ള ആക്രമണം ഭയാനകമായ രീതിയിൽ നാശനഷ്ടം ഉണ്ടാകുവാൻ ഇടയാക്കുമെന്ന് അന്താരാഷ്ട്ര ഏജൻസികൾ കരുതുന്നു . നവംബർ 4 ന് ടിഗ്രേയിലെ ഒരു താവളത്തിൽ എത്യോപ്യൻ ഫെഡറൽ സൈനികരെ ആക്രമിച്ച് ടിഗ്രേയൻ നേതാക്കൾ യുദ്ധം ആരംഭിച്ചതായി പ്രധാനമന്ത്രി അബി അഹമ്മദ് ആരോപിച്ചു.

സൈന്യം ആക്രമണത്തിന്റെ അവസാന ഘട്ടം ആരംഭിക്കുകയാണെന്ന് വ്യാഴാഴ്ച പ്രഖ്യാപിച്ച അബി മുഹമ്മദ് ആഫ്രിക്കൻ സമാധാന പ്രതിനിധികളോട് വെള്ളിയാഴ്ച തന്റെ സർക്കാർ ടൈഗ്രേയിലെ സാധാരണക്കാരെ സംരക്ഷിക്കുമെന്ന് അറിയിച്ചു. ആഫ്രിക്കൻ യൂണിയൻ പ്രതിനിധികളായ ലൈബീരിയയിലെ മുൻ പ്രസിഡന്റുമാരായ എല്ലെൻ ജോൺസൺ-സർലീഫ്, മൊസാംബിക്കിലെ ജോക്വിം ചിസാനോ, ദക്ഷിണാഫ്രിക്കയിലെ ക്ഗലേമ മോത്‌ലന്തെ എന്നിവരെ സന്ദർശിച്ച ശേഷം പുറത്തിറക്കിയ പ്രസ്താവനയിൽ സിവിലിയന്മാരുടെ സംരക്ഷണത്തിനും സുരക്ഷയ്ക്കും സർക്കാർ പ്രതിജ്ഞാബദ്ധമാണ് എന്ന് പ്രസ്താവിച്ചു.

കരയുദ്ധത്തിലും വ്യോമാക്രമണത്തിലും ആയിരക്കണക്കിന് ആളുകൾ ഇതിനകം കൊല്ലപ്പെട്ടതായി വിശ്വസിക്കപ്പെടുന്നു. സംഘർഷത്തിന്റെ ഫലമായി 1.1 ദശലക്ഷം എത്യോപ്യക്കാർക്ക് സഹായം ആവശ്യമാണെന്ന് ഐക്യരാഷ്ട്രസഭ കണക്കാക്കുന്നു.