ദുബായ്: കേസില്‍ പെട്ട് അമ്മ ജയിലില്‍ ആയപ്പോള്‍ ഒറ്റപ്പെട്ട മൂന്ന് കുട്ടികള്‍ക്ക് തുണയായി ദുബായ് പോലീസ്. കേസില്‍ പെട്ട് ജയിലില്‍ ആയപ്പോഴും കുട്ടികള്‍ വീട്ടില്‍ തനിച്ചാണെന്ന കാര്യം മാതാവ് വെളിപ്പെടുത്തിയിരുന്നില്ല. കുട്ടികളെ സാമൂഹിക പരിചരണ കേന്ദ്രങ്ങളിലേക്ക് മാറ്റിയാല്‍ വേർപെട്ടുപോകുമെന്ന ഭയം മൂലമാണ് ഇത് മറച്ചുവച്ചതെന്ന് ഇവർ പറയുന്നു. ജയിലില്‍ നിന്ന് പെട്ടെന്ന് മോചിതയാകാമെന്നും ഇവർ പ്രതീക്ഷിച്ചിരുന്നു.
എന്നാല്‍ വിചാരിച്ചതുപോലെ കാര്യങ്ങള്‍ മുന്നോട്ടുപോകാതെയിരുന്നപ്പോള്‍ കുട്ടികള്‍ വീട്ടില്‍ തനിച്ചാണെന്ന് ഇവർ ഉദ്യോഗസ്ഥരോട് വെളിപ്പെടുത്തുകയായിരുന്നു. സാമ്പത്തിക ബുദ്ധിമുട്ടുകള്‍ ഉണ്ടായിരുന്നതിനാല്‍ ഇവർ വൈദ്യുതിയുടെയും വെളളത്തിന്‍റേയും ബില്ലുകള്‍ അടച്ചിരുന്നില്ല. അതുകൊണ്ടുതന്നെ വെളളവും വൈദ്യുതിയും വിച്ഛേദിക്കപ്പെട്ട നിലയിലായിരുന്നു. കുട്ടികളെ ശ്രദ്ധിക്കാന്‍ സുഹൃത്തിനോട് പറഞ്ഞാണ് ഇവർ ജയിലിലേക്ക് പോയത്.
കുട്ടികളുടെ കാര്യം അറിഞ്ഞയുടനെ പോലീസ് വിഷയത്തില്‍ ഇടപെടുകയും 9 ഉം 12 ഉം 15 ഉം വയസുളള കുട്ടികളെ വേർപെടുത്താതെ ഒരുമിച്ച് നിർത്താനും തീരുമാനിക്കുകയായിരുന്നു. ഷാർജ സാമൂഹിക സേവന വകുപ്പിന്‍റെ ബാലാവകാശ സംരക്ഷണ വകുപ്പ് അധികൃതരുടെ സഹകരണത്തോടെയാണ് കുട്ടികളുടെ കാര്യത്തിൽ പൊലീസ് ഇടപെട്ടത്.
മാനുഷിക വിഭാഗം മൂന്ന് കുട്ടികൾക്കും പ്രതിമാസ ചെലവിനുള്ള സാമ്പത്തിക സഹായം ലഭ്യമാക്കുകയും എല്ലാ വാടക, യൂട്ടിലിറ്റി ബില്ലുകളും അടച്ചുതീർക്കുകയും ചെയ്തു. മാതാവ് ജയില്‍ മോചിതയാകുന്നതുവരെ കുട്ടികളെ സംരക്ഷിക്കുമെന്നും അധികൃതർ വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.