കുട്ടികളുടെ യാത്രാ നിരക്കിളവ് എയര്‍ ഇന്ത്യ എക്‌സ്പ്രസ് ഒഴിവാക്കുന്നു; പ്രവാസികള്‍ക്ക് തിരിച്ചടി

കുട്ടികളുടെ യാത്രാ നിരക്കിളവ് എയര്‍ ഇന്ത്യ എക്‌സ്പ്രസ് ഒഴിവാക്കുന്നു; പ്രവാസികള്‍ക്ക് തിരിച്ചടി

ദുബായ്: പ്രവാസികള്‍ക്ക് തിരിച്ചടി നൽകി കുട്ടികൾക്കുള്ള ടിക്കറ്റിന്റെ നിരക്കിളവ് എയർ ഇന്ത്യ എക്സ്പ്രസ്​ ​ ഒഴിവാക്കുന്നതായി സൂചന. എയർ ഇന്ത്യ എക്​സ്പ്രസിന്റെ പരിഷ്ക്കരിച്ച വെബ്​സൈറ്റിൽ കുട്ടികൾക്കും മുതിർന്നവർക്കും ഒരേ നിരക്കാണ്​ കാണിക്കുന്നത്​. 

ബജറ്റ്​ കാരിയറുകളിൽ എയർ ഇന്ത്യ എക്സ്​പ്രസ്​ മാത്രമാണ്​ കുട്ടികൾക്ക്​ നിരക്കിളവ്​ നൽകിയിരുന്നത്​. മുതിർന്നവരുടെ ടിക്കറ്റിനേക്കാൾ 10 ശതമാനത്തോളം ഇളവ്​ കുട്ടികളുടെ ടിക്കറ്റിന്​ ലഭിച്ചിരുന്നു. എന്നാൽ ചൊവ്വാഴ്ച ടിക്കറ്റ്​ ബുക്ക്​ ചെയ്തവർക്ക്​ കുട്ടികൾക്കും മുതിർന്നവർക്കും ഒരേ നിരക്ക്​ അടക്കേണ്ടി വന്നു. 

സ്വകാര്യവത്​കരണത്തിന് ശേഷമുള്ള പതിയ പരിഷ്കരണമാണ്​ ഇതെന്ന്​ സംശയിക്കുന്നു. യാത്രക്കാർക്ക്​ കൂടുതൽ ഉപകാരപ്രദമായിരിക്കും പുതിയ സംവിധാനം എന്നായിരുന്നു എയർ ഇന്ത്യ അറിയിച്ചിരുന്നത്. പക്ഷെ ചൊവ്വാഴ്ച പരിഷ്കാരങ്ങളോടെ വെബ്​സൈറ്റ്​ ലോഞ്ച്​ ചെയ്തപ്പോൾ കുട്ടികൾക്കും മുതിർന്നവർക്കും ഒരേ നിരക്കാണ്​ കാണിക്കുന്നത്​.

കുട്ടികളുമായി വരുന്ന കുടുംബങ്ങൾക്ക്​ ഏറെ ആശ്വാസകരമാണ്​ എയർ ഇന്ത്യയുടെ ചൈൽഡ്​ ഫെയർ സംവിധാനം. യുഎഇയിൽ നിന്ന്​ നാട്ടിലേക്ക്​ പോകുന്നവർക്ക്​ 100-200 ദിർഹമിലേറെ ഒരു കുട്ടിക്ക്​ ലാഭമുണ്ടായിരുന്നു. ഈ സംവിധാനം നിലച്ചാൽ പ്രവാസികൾക്ക്​ വൻ തിരിച്ചടിയാകും.


വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ഗ്രൂപ്പിൽ അംഗമാകൂ 📲 https://chat.whatsapp.com/DKuga0J6tbBKmzd9l3ZZ8v

ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.