ന്യൂഡല്‍ഹി: സച്ചിന് ടെണ്ടുല്‍ക്കറും വിരാട് കോലിയും രണ്ട് വ്യത്യസ്ത കാലഘട്ടങ്ങളില്‍ നിന്നുള്ള രണ്ട് ക്രിക്കറ്റ് താരങ്ങളാണ്. കോലിയും സച്ചിനും തമ്മില്‍ ധാരാളം സമാനതകള്‍ ഉണ്ടെങ്കിലും പ്രിയപ്പെട്ട ഫുട്‌ബോള്‍ കളിക്കാരനെ തിരഞ്ഞെടുക്കുമ്പോള്‍, ഇരുവരും പരസ്പരം തികച്ചും വിപരീതമാണ്. പോര്‍ച്ചുഗല്‍ ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോയെ താന്‍ ആരാധിക്കുന്നുണ്ടെന്ന് കോലി പല അവസരങ്ങളിലും വിശദീകരിച്ചിട്ടുണ്ട്. അടുത്തിടെ സച്ചിന് ടെണ്ടുല്‍ക്കറോട് തന്റെ 'പ്രിയപ്പെട്ട ഫുട്‌ബോള്‍ കളിക്കാരന്റെ' പേര് ചോദിച്ചപ്പോള്‍, റൊണാള്‍ഡോയുടെ ബദ്ധവൈരിയായ ലയണല്‍ മെസിയെയാണ് തിരഞ്ഞെടുത്തത്.
ആത്യന്തികമായ സ്ഥിരോത്സാഹത്തിലൂടെ മനോഹരമായി കളിക്കുന്ന റൊണാള്‍ഡോയോടുള്ള തന്റെ ആരാധന കോലി മുമ്പ് ഒരു അഭിമുഖത്തില്‍ പ്രകടിപ്പിച്ചിരുന്നു. ഇഷ്ടമുള്ള ഫുട്‌ബോളര്‍ ആരെന്ന ചോദ്യത്തിന് ഒന്നുമാലോചിക്കാതെ ഞാന്‍ കണ്ടിട്ടുള്ളതില്‍ വച്ച് ഏറ്റവും സമ്പൂര്‍ണ്ണ കളിക്കാരന്‍ ക്രിസ്റ്റ്യാനോ ആണെന്നായിരുന്നു മറുപടി.
ഇടങ്കാലെന്നോ വലങ്കാലെന്നോ വ്യത്യാസമില്ലാതെ മത്സരത്തില്‍ തിളങ്ങുന്ന മാസ്മരിക കാല്‍പ്പന്തുകാരന്റെ ആരാധകനാണ് താനെന്നാണ് കോലിയുടെ പക്ഷം. മികച്ചഗോള്‍ സ്‌കോററെ ഞാന്‍ കണ്ടിട്ടില്ല. (റൊണാള്‍ഡോ) പ്രതിഭാസം മറുവശത്ത്, മറ്റൊന്നായിരുന്നു, അവന്‍ കായികരംഗത്ത് വിപ്ലവം സൃഷ്ടിച്ചു, എല്ലാവരും റൊണാള്‍ഡോയെ പിന്തുടരുവാന്‍ ഇഷ്ടപ്പെടുന്നുവെന്നും കോലി മറച്ചുവച്ചില്ല.
റൊണാള്‍ഡോയും മെസിയും പരസ്പരം മത്സരിച്ചിരുന്നത് ബാലണ്‍ ഡി ഓര്‍ കിരീടങ്ങളുടെ കാര്യത്തിലായിരുന്നു. ഏഴ് ഗോള്‍ഡന്‍ ബോളുകളുമായി റൊണാള്‍ഡോയെക്കാള്‍ മുന്നില്‍ നില്‍ക്കുന്നത് മെസിയാണ്. ഇക്കഴിഞ്ഞ ഫിഫ ലോകകപ്പും അര്‍ജന്റീനയാണ് സ്വന്തമാക്കിയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.