ഹത്തയില്‍ കൂടുതല്‍ ഇ സ്കൂട്ട‍റുകളും ബൈക്കുകളും സർവ്വീസ് ആരംഭിച്ച് ആ‍ർടിഎ

ദുബായ്: എമിറേറ്റിലെ ഏറ്റവും പ്രകൃതി മനോഹരമായ ഇടമായ ഹത്തയില്‍ സന്ദർശകർക്കായി കൂടുതല്‍ സൗകര്യമൊരുക്കി ദുബായ് റോഡ്സ് ആന്‍റ് ട്രാന്‍സ്പോ‍ർട്ട് അതോറിറ്റി. ഹത്തയിലെ 9 കിലോമീറ്റർ റൂട്ടില്‍ ഇ സ്കൂട്ടറുകള്‍ക്കും ബൈക്കുകള്‍ക്കുമായി 11 സ്റ്റേഷനുകള്‍ ആരംഭിച്ചു. ഹത്തയിലെത്തുന്നവർക്ക് അവിടത്തെ പ്രകൃതി സൗന്ദര്യം ആവോളം ആസ്വദിക്കാന്‍ അവസരമൊരുക്കുകയെന്നുളളതാണ് ഇതിലൂടെ ലക്ഷ്യമിടുന്നത്.

ഹത്ത താഴ്വര, പൈതൃക ഗ്രാമം, വാദി ഹത്ത പാർക്ക്, ഹില്‍ പാർക്ക് തുടങ്ങിയ പ്രധാന സ്ഥലങ്ങളിലാണ് പുതിയ സ്റ്റേഷനുകള്‍ ആരംഭിച്ചിട്ടുളളത്. 250 ഇ-​സ്കൂ​ട്ട​റു​ക​ൾ, 250 സോ​ഫ്​​റ്റ്​ ബൈ​ക്കു​ക​ൾ എ​ന്നി​വ കൂ​ടാ​തെ 150 മൗ​ണ്ട​ൻ ബൈ​ക്കു​ക​ളു​മാ​ണ് പു​തി​യ സം​രം​ഭ​ത്തി​ൽ ഉ​ൾ​പ്പെ​ടു​ത്തി​യി​ട്ടു​ള്ള​ത്. ഹത്തയിലെ 11.5 കിലോമീറ്റർ റോഡിലൂടെ ഇനി ബൈക്കിലും സ്കൂട്ടറിലും പ്രകൃതിഭംഗി ആസ്വദിക്കാം.

എമിറേറ്റിലെ ഏറ്റവും പ്രധാനപ്പെട്ട വിനോദസഞ്ചാരകേന്ദ്രങ്ങളിലൊന്നാണ് ഹത്ത. അവിടെയെത്തുന്ന സന്ദർശകർക്ക് പുതിയ അനുഭവം നല്‍കുന്നതാണ് പുതിയ മാറ്റങ്ങള്‍. 2023 ന്‍റെ ആദ്യ പകുതിയില്‍ ഇ സ്കൂട്ടറിന് വലിയ സ്വീകാര്യതയാണ് ലഭിച്ചത്. അതുകൊണ്ടുതന്നെയാണ് കൂടുതല്‍ ബൈക്കുകളും ഇ സ്കൂട്ടറുകളും പ്രദേശത്ത് അവതരിപ്പിച്ചത്. ഈ ​വ​ർ​ഷം ആ​ദ്യ പാ​ദ​ത്തി​ൽ മാ​ത്ര​മാ​യി 1,902 യാ​ത്ര​ക​ൾ ന​ട​ന്നു. ഇ​ക്കാ​ല​യ​ള​വി​ൽ 984 ആ​ളു​ക​ളാ​ണ് ഇ-​സ്കൂ​ട്ട​റി​ലൂ​ടെ ഹ​ത്ത​യി​ൽ സ​ഞ്ച​രി​ച്ച​ത്. ആ​ദ്യ​പാ​ദ​ത്തി​ൽ ന​ൽ​കി​യ സേ​വ​ന​ങ്ങ​ളി​ൽ 93 ശ​ത​മാ​നം പേ​രും തൃ​പ്‌​ത​രാ​യി​രു​ന്നു​വെ​ന്നും ആ​ർ.​ടി.​എ വ്യ​ക്ത​മാ​ക്കി.