ക്രിസ്തുമസ് നവ വർഷ വിഭവങ്ങൾ

താറാവ് കറി

(തയ്യാറാക്കിയത് ഷാന്റി ജോ )

ചേരുവകൾ

• താറാവ് 500 ഗ്രാം
• സവാള 300 ഗ്രാം
• ഇഞ്ചി രണ്ട് കഷ്ണം
• പച്ചമുളക് നാലെണ്ണം
• വെളുത്തുള്ളി മൂന്ന് അല്ലി
• കറിവേപ്പിലഒരു തണ്ട്
• തക്കാളി മൂന്നെണ്ണം
• മുളകുപൊടി ഒരു ടീസ്പൂണ്‍
• മല്ലിപ്പൊടി രണ്ട് ടീസ്പൂണ്‍
• മഞ്ഞള്‌പ്പൊടി അരടീസ്പൂണ്‍
• വെളിച്ചെണ്ണ 100 മില്ലി
• തേങ്ങാപ്പാല്‍ ഒരു തേങ്ങയുടേത്
• ഉപ്പ് പാകത്തിന്

അരപ്പിനുള്ളത്

• തേങ്ങ വറുത്തത് ഒരെണ്ണം
• ഉണക്കമുളക് അഞ്ചെണ്ണം
• ചുവന്നുള്ളി പത്തെണ്ണം
• കുരുമുളക് രണ്ട് ടീസ്പൂണ്‍
• പെരുംജീരകം ഒരു ടീസ്പൂണ്‍
• കറിവേപ്പില ഒരു തണ്ട്

പാകം ചെയ്യുന്ന വിധം

• താറാവ് കഷണങ്ങള്‍ അരപ്പ് പുരട്ടി ഒരു മണിക്കൂറിലധികം വെയ്ക്കുക.
• ചട്ടിയില്‍ വെളിച്ചെണ്ണ ഒഴിച്ച് ചൂടാക്കുക.
• സവാള, ഇഞ്ചി, പച്ചമുളക്, വെളുത്തുള്ളി, കറിവേപ്പില എന്നിവയിട്ട് നന്നായി വാട്ടിയശേഷം മുളകുപൊടി, മല്ലിപൊടി, മഞ്ഞൾപൊടി എന്നിവ ചേർക്കുക താറാവ് കഷണങ്ങള്‍ അതിലേക്കിടുക.
• നന്നായി വെന്തു കുറുകിയശേഷം തേങ്ങാപ്പാല്‍ ചേർത്തിളക്കുക. അതിനുശേഷം കടുക് പൊട്ടിച്ച് ചേർത്തിളക്കുക  

കള്ളപ്പം

ചേരുവകൾ

• 2 കപ്പ് പച്ചരി
• 1 കപ്പ് തേങ്ങ
• ഈസ്റ്റ് കാല്‍ ടീസ് സ്പൂണ്‍ / തെങ്ങിന്‍ കള്ള് ഒരു ഗ്ലാസ്
• പഞ്ചസാര 6 ടീസ് സ്പൂണ്‍
• വെളുത്തുള്ളി 1 അല്ലി
• ജീരകം 1 നുള്ള്

തയ്യാറാക്കുന്ന വിധം

• പച്ചരി ഏകദേശം 8 മണിക്കൂര്‍ കുതിർത്തതിന് ശേഷം പൊടിക്കുക
• ഈസ്റ്റും 3 ടീസ്പൂണ്‍ പഞ്ചസാരയും ഇളം ചൂടുവെള്ളത്തില്‍ കലക്കി 15 മിനിട്ട് വയ്ക്കുക.
• 2 സ്പൂണ്‍ അരിപ്പൊടി ഒരുകപ്പ് വെള്ളത്തില്‍ കലക്കി, അടുപ്പത്തുവച്ച് തുടരെ ഇളക്കി കുറുക്കി എടുക്കുക (കപ്പു കാച്ചുക).
• പൊടിച്ച അരി, തേങ്ങാ ചിരവിയത്, ഈസ്റ്റ് ലായനി, കപ്പു കാച്ചിയത് എന്നിവ നന്നായി ഇളക്കി കൂടെ വെളുത്തുള്ളിയും ഒരു നുള്ള് ജീരകവും ചേര്‍ത്ത് പതിയെ ഒന്ന് ചതച്ചു ചേര്‍ത്തു വെള്ളം കുറച്ച് കുഴച്ച് 10 മണിക്കൂര്‍ വയ്ക്കുക.
• എട്ടു മണിക്കൂറിനു ശേഷം 3 സ്പൂണ്‍ പഞ്ചസാര കൂടി ചേർത്ത് 15 മിനിട്ട് വയ്ക്കുക.
• ഉപ്പ് പാകത്തിനു ചേർത്ത് അപ്പം ചുടാം

Note: മാവു കുഴയ്ക്കുമ്പോള്‍ ഒരു കപ്പ് ചോറും കൂടി അരച്ച് ചേർത്താൽ അപ്പത്തിനു നല്ല മയം കിട്ടും