സാ​ഫ് ക​പ്പ് കലാശ പോരാട്ടം ഇന്ന്; ഒമ്പതാം കിരീടത്തിനായി ഇന്ത്യ കു​വൈ​ത്തിനെ നേരിടും; കി​ക്കോ​ഫ് രാത്രി 7.30 ന്

ബം​ഗ​ളൂ​രു: സാ​ഫ് ക​പ്പ് ഫു​ട്ബാ​ളി​ന്റെ കലാശ പോരാട്ടം ഇന്ന്. ഫൈ​ന​ലി​ൽ ആ​തി​ഥേ​യ​രാ​യ ഇ​ന്ത്യ കു​വൈ​ത്തിനെ നേരിടും. ബം​ഗ​ളൂ​രു ശ്രീ​ക​ണ്ഠീ​ര​വ സ്റ്റേ​ഡി​യ​ത്തി​ൽ രാ​ത്രി 7.30 നാ​ണ് കി​ക്കോ​ഫ്. 

മൂ​ന്നു പ​തി​റ്റാ​ണ്ട് നീ​ണ്ട സാ​ഫ് ക​പ്പ് ഫു​ട്ബാ​ൾ ച​രി​ത്ര​ത്തി​ൽ 13 ഫൈ​ന​ലു​ക​ളി​ൽ 12 ലും ​മാ​റ്റു​ര​ച്ച ഏ​ക ടീമാണ് ഇന്ത്യ. ​എ​ട്ട് ത​വ​ണ ക​പ്പി​ൽ മു​ത്ത​മി​ട്ട​പ്പോ​ൾ നാ​ലു ത​വ​ണ റ​ണ്ണ​റ​പ്പാ​യി. 2003 ൽ ​മാ​ത്ര​മാ​ണ് മൂ​ന്നാം സ്ഥാ​നം കൊ​ണ്ട് തൃ​പ്തി​പ്പെ​ടേ​ണ്ടി​വ​ന്ന​ത്. 

നി​ല​വി​ലെ ജേ​താ​ക്ക​ൾ​കൂ​ടി​യാ​യ ഇ​ന്ത്യ തു​ട​ർ​ച്ച​യാ​യ ഒ​മ്പ​താം ഫൈ​ന​ലിനാണ് ഇന്ന് ബൂട്ട് അണിയുന്നത്. ക​ഴി​ഞ്ഞ മാ​സം ഒ​ഡി​ഷ​യി​ൽ ന​ട​ന്ന ഇ​ന്റ​ർ കോ​ണ്ടി​നെ​ന്റ​ൽ ക​പ്പി​ൽ ലെ​ബ​നാ​നെ വീ​ഴ്ത്തി കി​രീ​ട​മ​ണി​ഞ്ഞ ആ​വേ​ശ​ത്തി​ളാണ് ഇന്ത്യ. സ്വ​ന്തം മൈ​താ​ന​ത്ത് സാ​ഫ് ക​പ്പ് ഫൈ​ന​ൽ തോ​റ്റി​ട്ടി​ല്ലെ​ന്ന ക​ണ​ക്കും ഇ​ന്ത്യ​ക്ക​നു​കൂ​ലം. 

ക​ഴി​ഞ്ഞ മ​ത്സ​ര​ത്തി​ൽ ചു​വ​പ്പു​കാ​ർ​ഡ് ക​ണ്ട് പു​റ​ത്താ​യ ഇ​ന്ത്യ​ൻ കോ​ച്ച് ഇ​ഗോ​ർ സ്റ്റി​മാ​കി​ന് ര​ണ്ടു ക​ളി​യി​ൽ വി​ല​ക്കു​ള്ള​തി​നാ​ൽ ഫൈ​ന​ലി​ലും ഡ​ഗ് ഔ​ട്ടി​ന് പു​റ​ത്താ​വും. പ​ക​രം മ​ഹേ​ഷ് ഗാ​വ്‍ലി​യാ​കും ടീ​മി​നൊ​പ്പ​മു​ണ്ടാ​വു​ക.

ആ​ദ്യ ഇ​ല​വ​നിൽ കാര്യമായ മാറ്റങ്ങൾ ഉണ്ടാകില്ല. റൈ​റ്റ് ബാ​ക്കി​ൽ നി​ഖി​ൽ പൂ​ജാ​രി, ലെ​ഫ്റ്റ് ബാ​ക്കി​ൽ ആ​കാ​ശ് മി​ശ്ര, സെ​ന്റ​ർ ബാ​ക്കി​ൽ സ​ന്ദേ​ശ് ജി​ങ്കാ​ൻ, അ​ൻ​വ​ർ അ​ലി, റൈ​റ്റ് വി​ങ്ങി​ൽ ലാ​ലി​യ​ൻ സു​വാ​ല ചാ​ങ്തെ, ലെ​ഫ്റ്റ് വി​ങ്ങി​ൽ മ​ഹേ​ഷ് സി​ങ്, സെൻറ​ർ മി​ഡ്ഫീ​ൽ​ഡി​ൽ ജീ​ക്സ​ൺ സി​ങ്, അ​നി​രു​ദ്ധ് ഥാ​പ്പ എ​ന്നി​വ​രും അ​റ്റാ​ക്ക​ർ​മാ​രാ​യി ​ഛേത്രി​യും ആ​ഷി​ക് കു​രു​ണി​യ​നു​മാ​ണ് ആ​ദ്യ പ​രി​ഗ​ണ​ന. മ​ഹേ​ഷി​ന് പ​ക​രം സ​ഹ​ലി​നെ​യി​റ​ക്കാ​നും സാ​ധ്യ​ത​യു​ണ്ട്.

ലെ​ബ​ന​നെ​തി​രാ​യ സെ​മി​യി​ൽ പ്ര​തി​രോ​ധ നി​ര​യെ മാ​റ്റി​യ സ​ഹ​പ​രി​ശീ​ല​ക​ൻ മ​ഹേ​ഷ് ഗാ​വ്‍ലി ര​ണ്ടാം പ​കു​തി​യി​ൽ ആ​കാ​ശ് മി​ശ്ര, നി​ഖി​ൽ പൂ​ജാ​രി എ​ന്നി​വ​രെ തി​രി​ച്ചെ​ത്തി​ച്ച​തോ​ടെ​യാ​ണ് ആ​ക്ര​മ​ണ​ത്തി​ന് മൂ​ർ​ച്ച​കൂ​ടി​യ​ത്. എ​ക്സ്ട്രാ ടൈ​മി​ൽ ഇ​രു​വി​ങ്ങു​ക​ളി​ലൂ​ടെ​യും ഇ​ന്ത്യ കു​തി​ക്കു​ക​യാ​യി​രു​ന്നു. നി​ര​വ​ധി ഗോ​ള​വ​സ​ര​ങ്ങ​ൾ തു​റ​ക്കു​കയും ചെയിതു.

ഛേത്രി​യെ ഒ​ഴി​ച്ചു​നി​ർ​ത്തി​യാ​ൽ മ​റ്റു താ​ര​ങ്ങ​ളി​ൽ​നി​ന്ന് കാ​ര്യ​മാ​യ ഗോ​ൾ സ്കോ​റി​ങ് ഇ​ല്ല. അ​ഞ്ചു ഗോ​ളു​മാ​യി ടൂ​ർ​ണ​മെ​ന്റി​ലെ ടോ​പ്സ്കോ​റ​റാ​ണ് ഛേത്രി. ​ആ​ഷി​ഖും സ​ഹ​ലും ചാ​ങ്തെ​യും ഇ​തു​വ​രെ അ​ക്കൗ​ണ്ട് തു​റ​ന്നി​ട്ടി​ല്ല. പ്ര​തീ​ക്ഷ​യും സ​മ്മ​ർ​ദ​വു​മാ​യി ടീം ​ക​ള​ത്തി​ലി​റ​ങ്ങു​മ്പോ​ൾ ഗാ​ല​റി നി​റ​യു​ന്ന ക​ണ്ഠീ​ര​വ​യി​ലെ ആ​ര​വ​ങ്ങ​ൾ പ്ര​ചോ​ദ​ന​മാ​കും.