ലി​ബി​യ പ്ര​ള​യം: കാ​ണാ​തായവർക്കായി ആറാം ​ദി​വ​സ​വും തി​ര​ച്ചി​ൽ തു​ടരുന്നു

ട്രി​പ്പോളി: ലി​ബി​യ​യി​ലുണ്ടായ മഹാ ദുരന്തത്തിൽകാ​ണാ​താ​യ​ത് 10,000ത്തി​ല​ധി​കം പേ​ർ. ത​ക​ർ​ന്ന കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ ആറാം​ ദി​വ​സ​വും തി​ര​ച്ചി​ൽ തു​ട​രു​ക​യാ​ണ്. ഡെ​ർ​ന ന​ഗ​ര​ത്തി​ൽ പ്ര​ള​യം തൂ​ത്തെ​റി​ഞ്ഞ വാ​ഹ​ന​ങ്ങ​ൾ ഉ​ൾ​പ്പെ​ടെ ഭാ​ര​വ​സ്തു​ക്ക​ൾ നീ​ക്ക​ൽ ശ്ര​മ​ക​ര​മാ​ണ്.

നാ​ലു മീ​റ്റ​റോ​ളം ഉ​യ​ര​ത്തി​ൽ കെ​ട്ടി​ട​ങ്ങ​ൾ​ക്കു മു​ക​ളി​ൽ കാറുകളും വസ്തുക്കളും കിടക്കുകയാണ്. തി​ര​ച്ചി​ൽ സു​ഗ​മ​മാ​ക്കാ​ൻ അ​ധി​കൃ​ത​ർ ഡെ​ർ​ന ന​ഗ​രം അ​ട​ച്ചു. 30,000ത്തി​ല​ധി​കം പേ​ർ ഭ​വ​ന​ര​ഹി​ത​രാ​യ​താ​യാ​ണ് അ​ഭ​യാ​ർ​ഥി​ക​ൾ​ക്കാ​യു​​ള്ള യു.​എ​ൻ ഏ​ജ​ൻ​സി​യു​ടെ ക​ണ​ക്ക്.

വൈ​ദ്യു​തി, ​ലാ​ൻ​ഡ് ബ​ന്ധം ത​ക​രാ​റി​ലാ​യി. റോ​ഡു​ക​ളും പാ​ല​ങ്ങ​ളും ന​ശി​ച്ചു. ക​ണ്ടെ​ത്തി​യ മൃ​ത​ദേ​ഹ​ങ്ങ​ൾ ന​ഗ​ര​ത്തി​നു പു​​റ​ത്തോ മ​റ്റു ന​ഗ​ര​ങ്ങ​ളി​ലോ കൂ​ട്ട​മാ​യി സം​സ്ക​രി​ച്ചു​വ​രു​ക​യാ​ണ്. ഇ​തു​വ​രെ 11300 മ​ര​ണ​മാ​ണ് അ​ധി​കൃ​ത​ർ സ്ഥി​രീ​ക​രി​ച്ച​ത്. അ​തേ​സ​മ​യം, ഡെ​ർ​ന മേ​യ​ർ അ​ബ്ദു​ൽ മി​നാം അ​ൽ ഗൈ​സി പ​റ​യു​ന്ന​ത് 20,000ത്തി​ലേ​റെ ആ​ളു​ക​ൾ മ​രി​ച്ചി​ട്ടു​ണ്ടാ​കാ​മെ​ന്നാ​ണ്. ര​ണ്ടാ​യി​ര​ത്തോ​ളം പേ​ർ ക​ട​ലി​ലേ​ക്ക് ഒ​ഴു​കി​പ്പോ​യി​ട്ടു​ണ്ട്. അ​ഞ്ചു ദി​വ​സ​മാ​യി​ട്ടും ര​ക്ഷാ​പ്ര​വ​ർ​ത്ത​ന​വും പു​ന​ര​ധി​വാ​സ​വും ഫ​ല​പ്ര​ദ​മാ​യി ഏ​കോ​പി​പ്പി​ക്കാ​ൻ ക​ഴി​യാ​ത്ത​ത് നാ​ട്ടു​കാ​രി​ൽ അ​മ​ർ​ഷം സൃ​ഷ്ടി​ച്ചി​ട്ടു​ണ്ട്.

ഡെർണയ്ക്ക് സമീപത്തെ രണ്ട് അണക്കെട്ട് തകർന്നതാണ് ദുരന്തത്തിന്റെ വ്യാപ്തി വർധിപ്പിച്ചത്. ഡെർണ നഗരത്തിന്റെ നാലിലൊന്നോ അതിലധികമോ ഭാഗം ജലപ്രവാഹത്തിൽ ഒലിച്ചുപോയി. കെട്ടിടങ്ങളും വാഹനങ്ങളും ആളുകളും അടക്കം കടലിലേക്ക് ഒലിച്ചുപോയതായി റിപ്പോർട്ടുകളുണ്ട്. മൃതദേഹങ്ങൾ പലതും ഇപ്പോഴും തെരുവിലാണ്. കടലിൽ നിന്ന് ഒട്ടേറെ മൃതദേഹങ്ങൾ കരയ്ക്ക് അടിഞ്ഞുകൊണ്ടിരിക്കുകയാണ്. പ്രവചിച്ചതിലുമധികമാണ് നാശനഷ്ടങ്ങളെന്നാണ് ഉദ്യോഗസ്ഥർ അറിയിക്കുന്നത്.

കൊടുങ്കാറ്റും പ്രളയവും ഏറ്റവും കൂടുതൽ ബാധിച്ച ഡെർണയിൽ നിന്ന് ഇതുവരെ 30000 പേരെയെങ്കിലും മാറ്റിപ്പാർപ്പിച്ചിട്ടുണ്ട്. മൃതദേഹങ്ങൾ കൂട്ടമായാണ് ഇപ്പോൾ സംസ്‌കരിച്ചുകൊണ്ടിരിക്കുന്നത്. പല മൃതദേഹങ്ങളും തിരിച്ചറിയാൻ പോലും ഇതുവരെ സാധിച്ചിട്ടില്ല.