ബ്രിട്ടൺ വീണ്ടും സമ്പൂർണ അടച്ചിടലിലേക്ക്

ലണ്ടൻ: ജനിതക മാറ്റം വന്ന പുതിയ കോവിഡ് വൈറസ് വ്യാപമായി പടരുന്ന സാഹചര്യത്തിൽ ബ്രിട്ടൺ വീണ്ടും സമ്പൂർണ അടച്ചിടൽ പ്രഖ്യാപിച്ചു. പ്രധാനമന്ത്രി ബോറിസ് ജോൺസൺ ആണ് ഇക്കാര്യം അറിയിച്ചത്. നാളെ അർദ്ധരാത്രി മുതൽ ഫെബ്രുവരി പകുതിവരെയാണ് അടച്ചിടൽ പ്രഖ്യാപിച്ചിരിക്കുന്നത്.

രോഗികളുടെ എണ്ണത്തിൽ വരുന്ന വർദ്ധനവ് കണക്കിലെടുത്താണ് ഇത്തരത്തിലൊരു തീരുമാനത്തിൽ ബ്രിട്ടൺ എത്തിയത്. ആവശ്യ സർവീസിനുള്ള സ്ഥാപനങ്ങളും കടകളും അല്ലാത്തവ അടച്ചിടാനാണ് നിർദേശം. ജനങ്ങൾ ഇതിനോട് സഹകരിക്കണം എന്നും ആദ്യ ഘട്ട അടച്ചിടലിൽ കാണിച്ച അതേ ഗൗരവത്തിൽ തന്നെ ഇതിനെയും കാണണമെന്നും ബോറിസ് ജോൺസൺ അറിയിച്ചു.