ബൊഗോട്ട: ലോകത്തിലെ ഏറ്റവും വലിയ മനുഷ്യ നിർമ്മിത പുൽക്കൂട് കൊളംബിയയിൽ സന്ദർശനത്തിനായി തുറന്നു കൊടുത്തു. ഡിസംബർ രണ്ടാം തീയതി മുതൽ പ്രദർശനത്തിനായി തുറന്നു കൊടുത്ത പുൽക്കൂടിൽ 90 അഭിനേതാക്കൾ യേശുവിന്റെ ജനനത്തിനു മുമ്പും ശേഷവുമുള്ള നിമിഷങ്ങൾ വ്യാഖ്യാനിക്കുന്നു.
18,000 ചതുരശ്ര മീറ്റർ പാർക്കിലാണ് ജനന രംഗം സജ്ജീകരിച്ചിരിക്കുന്നത്. മുൻ വർഷങ്ങളിൽ മറ്റ് കൊളംബിയൻ നഗരങ്ങളായ ബൊഗോട്ട, മെഡെലിൻ, കാലി എന്നിവിടങ്ങളിൽ ഇത്തരത്തിൽ ജനന രംഗം സ്ഥാപിച്ചിട്ടുണ്ട്. “ലോകത്തിലെ ഏറ്റവും വലിയ നേറ്റിവിറ്റി രംഗം” എന്ന പേരിൽ നേറ്റിവിറ്റി വേൾഡിന്റെ മാനേജരായ കൊളംബിയൻ ഫാബിയൻ റോജാസ് ഈ സംരംഭം 2010 ൽ ആണ് ആരംഭിച്ചത്.
ഈ ജനന രംഗങ്ങൾക്ക് നാല് തവണ ഗിന്നസ് വേൾഡ് റെക്കോർഡ് അംഗീകാരം ലഭിച്ചിട്ടുണ്ട്. നേറ്റിവിറ്റി വേൾഡ് കുടുംബങ്ങളെ സന്ദർശിക്കാനും ക്രിസ്മസിന്റെ സാരാംശം തിരിച്ചുപിടിക്കാനും, കൃത്യ സമയത്ത് പിന്നോട്ട് സഞ്ചരിക്കാനും മുതിർന്നവർക്കും കുട്ടികൾക്കും വ്യത്യസ്തമായ ഒരു ക്രിസ്മസ് ആസ്വദിക്കാനും അവസരം ഒരുക്കുകയാണ് ഈ ജനന രംഗങ്ങളിലൂടെ ചെയ്യുന്നത്. ജനുവരി എട്ടാം തീയതി വരെ ഈ ജനന ദൃശ്യങ്ങൾ കാണുവാൻ അവസരം ഉണ്ടാകും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.