എയർ ബാ​ഗ് തകരാർ; ടൊയോട്ട പത്ത് ലക്ഷം കാറുകൾ തിരിച്ച് വിളിക്കുന്നു

ടോക്കിയോ: എയർ ബാഗുകൾ വിന്യസിക്കാതിരിക്കാൻ കാരണമായേക്കാവുന്ന തകരാർ മൂലം പത്ത് ലക്ഷം കാറുകൾ തിരിച്ച് വിളിക്കുന്നതായി ടൊയോട്ട മോട്ടോർ കമ്പനി. തകരാർ മൂലം അപകട സാധ്യതയുണ്ടെന്നും കമ്പനി അറിയിച്ചു.

2020 - 2022 മോഡൽ ടൊയോട്ട, ലെക്സസ് വാഹനങ്ങളാണ് തിരിച്ച് വിളിക്കുന്നത്. ടൊയോട്ട അവലോൺസ്, കാംറിസ്, ഹൈലാൻഡേഴ്സ്, RAV4, സിയന്നസ്, കൊറോളസ് എന്നിവയും ഈ മോഡലുകളുടെ ചില ഹൈബ്രിഡുകളും തിരിച്ചുവിളിക്കുന്നതിൽ ഉൾപ്പെടുത്തിയിട്ടുണ്ട്. തിരിച്ച് വിളിക്കുന്ന ലെക്‌സസ് മോഡലുകളിൽ ഇഎസ് 250 സെഡാൻ, ആർഎക്‌സ്350 എസ്യുവി എന്നിവയും ഉൾപ്പെടുന്നു.

തിരിച്ച് വിളിക്കുന്ന കാറുകളുടെ മുൻ വശത്തെ പാസഞ്ചർ സീറ്റിൽ സെൻസറുകൾ ഘടിപ്പിച്ചിട്ടുണ്ട്. അവ തെറ്റായ രീതിയിലാണ് നിർമ്മിച്ചതെന്നും ആ സെൻസറുകളിൽ ഷോർട്ട് സർക്യൂട്ട് ഉണ്ടാകാമെന്നും ഇത് എയർ ബാഗ് സിസ്റ്റം യാത്രക്കാരന്റെ ശരിയായ ഭാരം നിർണ്ണയിക്കാതിരിക്കുകയും ചില ക്രാഷുകളിൽ വിന്യസിക്കപ്പെടാതിരിക്കുകയും ചെയ്യുമെന്നും കമ്പനി പറയുന്നു.

ടൊയോട്ട, ലെക്‌സസ് ഡീലർമാർ ഒസിഎസ് സെൻസറുകൾ പരിശോധിക്കുകയും ആവശ്യമെങ്കിൽ ഉടമകൾക്ക് വില ഇടാക്കാതെ അവ മാറ്റിസ്ഥാപിക്കുകയും ചെയ്യും. ഉപഭോക്താക്കളുടെ കാറുകൾ തിരിച്ച് വിളിക്കുകയാണെങ്കിൽ 2024 ഫെബ്രുവരി പകുതിയോടെ ടൊയോട്ട അവരെ വിവരം അറിയിക്കും.