പാകിസ്താൻ ഇന്ന് പോളിങ് ബൂത്തിൽ; നവാസ് ഷെരീഫും ബിലാവൽ ഭൂട്ടോയും നേർക്കുനേർ; ജയിലില്‍ കഴിയുന്ന മുൻ പ്രധാനമന്ത്രി ഇംറാൻ ഖാൻ മത്സര രംഗത്തില്ല

ഇ​സ്‍ലാ​മാ​ബാ​ദ്: പാ​കി​സ്താ​നി​ൽ ഇന്ന് പൊ​തു​തി​ര​ഞ്ഞെ​ടു​പ്പ്. പാ​ർ​ല​മെ​ന്റി​ലേ​ക്കും നാ​ല് പ്ര​വി​ശ്യ നി​യ​മ​നി​ർ​മാ​ണ സ​ഭ​ക​ളി​ലേ​ക്കു​മാ​ണ് വോ​ട്ടെ​ടു​പ്പ്. അ​ഴി​മ​തി​ക്കേ​സി​ൽ ശി​ക്ഷി​ക്ക​പ്പെ​ട്ട​തി​നെ​ത്തു​ട​ർ​ന്ന് വി​ദേ​ശ​ത്ത് പ്ര​വാ​സ​ത്തി​ൽ ക​ഴി​ഞ്ഞ പാ​കി​സ്താ​ൻ മു​സ്‍ലിം ലീ​ഗി​​ലെ ന​വാ​സ് ഷെ​രീ​ഫും പാ​കി​സ്താ​ൻ പീ​പ്ൾ​സ് പാ​ർ​ട്ടി നേ​താ​വും ബേ​ന​സീ​ർ ഭു​ട്ടോ​യു​ടെ മ​ക​നു​മാ​യ ബി​ലാ​വ​ൽ ഭൂ​ട്ടോ സ​ർ​ദാ​രി​യും ത​മ്മി​ലാ​ണ് പ്ര​ധാ​ന മ​ത്സ​രം. ജയിലില്‍ കഴിയുന്ന മുൻ പ്രധാനമന്ത്രി ഇംറാൻ ഖാൻ മത്സര രംഗത്തില്ല.

രാവിലെ എട്ടിന് ആരംഭിച്ച വോട്ടെടുപ്പ് വൈകീട്ട് അഞ്ചുവരെ നീളും. കടുത്ത രാഷ്ട്രീയ, സാമ്പത്തിക പ്രതിസന്ധികളിലൂടെ കടന്നുപോകുന്നതിനിടെയാണ് പാകിസ്താൻ ഇന്ന് പൊതു തിരഞ്ഞെടുപ്പിനെ നേരിടുന്നത്. 13 കോടി വോട്ടർമാരാണ് 266 എംപിമാരെ തിരഞ്ഞെടുക്കുന്നത്.

6.9 കോടി പുരുഷ വോട്ടർമാരും 5.9 കോടി സ്ത്രീവോട്ടർമാരുമാണുള്ളത്. ഏറ്റവും കൂടുതൽ യുവ വോട്ടർമാരുള്ളതും ഈ പ്രാവശ്യമാണ്. 167 അംഗീകൃത രാഷ്ട്രീയ പാർട്ടികളിലെ സ്ഥാനാർഥികളും സ്വതന്ത്രരുമായി 5121 പേരാണ് മത്സര രംഗത്തുള്ളത്. പഞ്ചാബ്, സിന്ധ്, ബലൂചിസ്താൻ, ഖൈബർ പഖ്തൂൻഖ്വ എന്നിവയാണ് വോട്ടെടുപ്പ് നടക്കുന്ന പ്രവിശ്യകൾ.

അതേ സമയം ഇന്നലെ ബലൂചിസ്താനിലുണ്ടായ സ്ഫോടനത്തിന്റെ ഉത്തരവാദിത്വം ഭീകര സംഘടനായായ ഐഎസ് ഐഎസ് ഏറ്റെടുത്തു. സെയ്‌ഫുള്ളയിൽ‌ മോട്ടോർ സൈക്കിൾ പൊട്ടിത്തെറിച്ചായിരുന്നു സ്ഫോടനം നടന്നത്. ഭീകര സംഘടന ടെല​ഗ്രാമിലൂടെയാണ് ഇക്കാര്യം അറിയിച്ചത്. തിരഞ്ഞെടുപ്പ് ഓഫിസുകൾക്ക് സമീപം നടന്ന സ്ഫോടനങ്ങളിൽ 26 പേർ കൊല്ലപ്പെടുകയും 40 പേർക്ക് പരിക്കേൽക്കുകയും ചെയ്തിരുന്നു.