കായികപരമായ കഴിവുകളോടൊപ്പം ആത്മീയതയെയും മുറുകെപ്പിടിച്ച് ഹൂസ്റ്റൺ ഇന്റർ പാരീഷ് സ്‌പോർട്‌സ് ഫെസ്റ്റ്

ഹൂസ്റ്റൺ: ചിക്കാഗോ സെന്റ് തോമസ് സീറോ മലബാർ രൂപതയുടെ കീഴിലുള്ള ടെക്‌സാസ് - ഒക്‌ലഹോമ റീജിയനിലെ പാരീഷുകൾ സംയുക്തമായി സംഘടിപ്പിച്ച ഇന്റർ പാരീഷ് സ്‌പോർട്‌സ് ഫെസ്റ്റിന് സമാപനം. ഓഗസ്റ്റ് ഒന്ന് മുതൽ നാല് വരെ നടന്ന ഇന്റർ പാരീഷ് സ്‌പോർട്‌സ് ഫെസ്റ്റിൽ കുട്ടികൾ കായികപരമായ കഴിവുകൾ പ്രകടിപ്പിച്ചപ്പോഴും ആത്മീയതയെയും മുറുകെ പിടിച്ചു എന്നത് ശ്രദ്ധേയമായി. അന്തർദേശിയ ദിവ്യകാരുണ്യ കോൺ​ഗ്രസ് നടക്കുന്ന വർഷമായതിനാൽ വിശുദ്ധ കുർബാന എഴുന്നുള്ളിച്ച് വെച്ച് നടത്തിയ ആരാധനയിൽ മുതിർന്നവരോടൊപ്പം കുട്ടികളും പങ്കെടുത്തു. ഇതുമായി ബന്ധപ്പെട്ട് സിൽവി സന്തോഷ് എന്ന വീട്ടമ്മ പങ്കിട്ട ഫെയ്സ്ബുക്ക് കുറിപ്പ് ശ്രദ്ധേയമാകുന്നു.

കുറിപ്പിങ്ങനെ

കുറച്ച് ദിവസങ്ങളായി ഞങ്ങൾ Houston ൽ ആണ്. Texas-oklahoma region ലുള്ള 8 സിറോ-മലബാർ ഇടവകകൾ തമ്മിലുള്ള Inter-parish sports festival (IPSF) നടക്കുകയാണ്. ഓഗസ്റ്റ് 1-4 വരെയുള്ള പരിപാടികൾ എല്ലാം host ചെയ്യുന്നത് St Joseph Syro- മലബാർ ഇടവകയാണ്. കുട്ടികളുടെയും, മുതിർന്നവരുടെയും വാശിയേറിയ മത്സരങ്ങൾ ആണ്.

അതിനോടൊപ്പം വളരെ മനോഹരമായ ഒരു സംഭവം IPSF നടക്കുന്ന എപ്പിസെന്ററിൽ മുഴുവൻ സമയവും എഴുന്നെള്ളിയിരിക്കുന്ന ദിവ്യ കാരുണ്യ നാഥൻ ആണ്. Eucharistic revival നടക്കുന്ന ഈ വർഷം ഇതിനു വലിയ ഒരു സാക്ഷ്യം ഈ ഇടവകക്ക് കൊടുക്കാനാകുമോ? ഈശോ ഏകനല്ല ഇവിടെ, മുഴുവൻ നേരവും ആരാധന അർപ്പിക്കുന്ന പല കോൺഗ്രിഗേഷനിൽ പെട്ട സിസ്റ്റേഴ്സ്നോടൊപ്പം പല മാതാപിതാക്കളും കുട്ടികളും കൂടെയുണ്ട്.

അതോടൊപ്പം തന്നെ ഇവിടെ തന്നെ വളരെ മനോഹരമായ സിറോ- മലബാർ അൾത്താരയും ഒരുങ്ങിയിട്ടുണ്ട്! വെള്ളിയാഴ്ച രാത്രി Bishop Joy ആലപ്പാട്ടിന്റെയും, Bishop Jacob അങ്ങാടിയത്തിന്റെയും നേതൃത്വത്തിൽ നടന്ന അതിമനോഹരമായ മലയാളം- ഇംഗ്ലീഷ് കുർബ്ബാനയിൽ 11 പുരോഹിതർ കൂടി ഉണ്ടായിരുന്നു. National Eucharistic കോൺഗ്രസ് ന്റെ ഒരു ചെറിയ മിനി setup പോലെ തോന്നി stadium ൽ നടന്ന വി: കുർബ്ബാന.

St Joseph ദേവാലയത്തിൽ ഇന്ന് ഞായറാഴ്ച്ച, വിയാനി പുണ്യാളന്റെ തിരുനാളിൽ തന്നെ , ഫേസ്ബുക്ക് ഹോമിലികളിലൂടെ വളരെ ശ്രദ്ധേയനായ ബഹുമാനപ്പെട്ട Joseph Alex അച്ചന്റെ മനോഹരമായ വിശുദ്ധ കുർബ്ബാനയിൽ പങ്കെടുക്കാനുള്ള ഭാഗ്യം ലഭിച്ചു. എന്നും ഫേസ്ബുക്കിലൂടെ വായിക്കുന്ന വചന പ്രസംഗം അച്ചന്റെ വാക്കുകളിൽ തന്നെ ശ്രവിക്കാൻ സാധിച്ചു: വളരെ മനോഹരം! ജീവനുള്ള വചനം!

പല കോർട്ടുകളിലും ഈശോയ്ക്ക് സാക്ഷ്യം വഹിയ്ക്കുന്ന കുഞ്ഞുങ്ങളെ കാണാൻ സാധിച്ചു. soccer കളിക്കുമ്പോൾ അവസാനത്തെ കച്ചിതുരുമ്പായ penalty ഗോൾ അടിക്കാൻ നിൽക്കുന്ന പെൺകുട്ടി, എല്ലാവരുടെയും മുമ്പിൽ കുരിശു വരച്ചു കൊണ്ട് ഒറ്റയടി. കളി ജയിച്ചു!

വേറൊരു 10 വയസ്കാരി എന്നോട് പങ്ക് വച്ചു: “ ആന്റി basketball കളിക്ക് മുൻപു എന്നോട് എന്റെ scapular( വെന്തിങ്ങ) ഊരി വയ്ക്കണം എന്ന് അവർ പറഞ്ഞു. ഞാൻ ആദ്യ കുർബ്ബാന കഴിഞ്ഞു ഇന്ന് വരെ scapular ഊരിയിട്ടില്ല. എനിക്കത് ഭയങ്കര സങ്കടമായി.” അറിയാതെ ആരെങ്കിലും വലിച്ചാൽ choking hazard ഉണ്ടാകാതിരിക്കാൻ ആണ് അവർ അങ്ങനെ നിർദ്ദേശിച്ചത്. പക്ഷേ മോളുടെ ചിന്തയിൽ, അതിലും ഉപരി വെന്തിങ്ങ ധരിക്കുമ്പോൾ അവൾക്ക് വാഗ്ദാനം ചെയ്യപ്പെട്ട ആത്മ രക്ഷയാണ് അതിലും കൂടുതൽ പ്രാധാന്യം തോന്നിയത് എന്നതു മനസ്സിലാക്കിയപ്പോൾ എനിക്കു ഒത്തിരി സന്തോഷം തോന്നി. ഞാൻ പറഞ്ഞു, മോൾ വെന്തിങ്ങ ഉടുപ്പിനുള്ളിലേക്ക് മറച്ചിട്ടാൽ മതി, അതിൽ ആരും വലിക്കാൻ പറ്റാത്ത രീതിയിൽ. അവൾക്ക് സന്തോഷമായി!

10 വയസ്സുള്ള മോൾക്ക് elementary level basketball ഉണ്ടായിരുന്നു. quarter യും semi യും 12.30 ക്കും, 3.30 യ്ക്കും ആയി കഴിഞ്ഞു, അവർ ഫൈനലിൽ കടന്നു. എന്തോ കാരണത്താൽ ഞങ്ങൾ എല്ലാവരും ഫൈനൽ നാളെയുള്ളൂ എന്ന് തെറ്റിധരിച്ചു. അത് കൊണ്ട് ബാക്കി games ഒക്കെ കണ്ട് പിള്ളേരും ഞങ്ങളും അടിച്ചുപൊളിച്ച് നടന്നു. ഞങ്ങൾ ഗ്യാലറിയിൽ ഇരിക്കുമ്പോൾ, 6.13 ന് സോണിയ ഓടി വന്നു വിളിക്കുന്നു. അമ്മേ, നമ്മുടെ ഫൈനൽ 6.30 ക്കാ. ആന്റി വിളിക്കുന്നു. ഞങ്ങൾ ഗ്യാലറിയിൽ നിന്നും ഓടി കോർട്ടിലെത്തി. അവിടെ ചെന്നപ്പോൾ opposite team അവിടെ തകൃതിയായി practice ചെയ്യുന്നുണ്ട്. നന്നായ് ഒരുങ്ങി വന്നിരിക്കുന്ന team! ടീമിലെ കൂടുതൽ കുട്ടികൾക്കും നല്ല പൊക്കം ഉണ്ട്, ഞങ്ങളുടെ കുഞ്ഞുങ്ങളെ വച്ച് നോക്കുമ്പോൾ. പൊക്കം basketball വിജയത്തിൽ വലിയൊരു ഘടകം ആണല്ലോ!!

ഞങ്ങൾ already late ആണ്, അങ്ങനെ ഓടി ചെല്ലുമ്പോൾ ഇവരുടെ വളരെ ശക്തമായ warm up കണ്ടപ്പോൾ, നമ്മുടെ 7 കുഞ്ഞുങ്ങൾക്കു ഒരു ചെറിയ ടെൻഷൻ. നാളേയെ ഫൈനൽ ഉള്ളുവെന്ന് കരുതി relax ചെയ്തിരുന്ന അവരുടെ മുഖത്ത് ഒരു തയ്യാറല്ലാത്ത പോലെ, ഒരു പരാജയ ഭീതി തെളിഞ്ഞു കാണാം. എങ്കിലും കുഴപ്പമൊന്നുമില്ല എന്ന് ആശ്വസിപ്പിച്ച് ഞങ്ങൾ അമ്മമാർ ഗ്യാലറിയിൽ വന്നിരുന്നു. അപ്പോഴാണ് ദീപ വന്നിട്ട് പറയുന്നത്, “അവർക്ക് ഇപ്പോഴും നല്ല ടെൻഷൻ ഉണ്ട് opposite ടീമിന്റെ practice കണ്ടിട്ട്. സിൽവി ഒന്ന് പോയി അവരോടൊന്നു സംസാരിക്ക്”. ഞാൻ ഉടനെ അവരുടെയടുത്ത് എത്തി.

അവരിൽ പലരെയും ആദ്യ കുർബാനയ്ക്ക് വേണ്ടി ഒരുക്കിയിട്ടുള്ളത് കൊണ്ട്, അവരുമായി എനിക്ക് നല്ലൊരു ആത്മീയ ബന്ധം ഉണ്ടായിരുന്നു. ഞാൻ അവരുമായി കൈ കോർത്തു ഒരു circle ഉണ്ടാക്കി. അവരോട് ചോദിച്ചു: “ നിങ്ങൾക്ക് പേടിയുണ്ടോ?” എല്ലാവരും തലയാട്ടി. “എന്തിനാ നിങ്ങൾ പേടിക്കുന്നെ”? “ aunty അവരെല്ലാം ഒത്തിരി prepared ആണ്. ഞങ്ങൾ ചെറിയവരും ആണ്”.

അപ്പോൾ ഞാൻ അവരോടു ചോദിച്ചു. “ നിങ്ങൾക്ക് ഡേവിഡ്- ഗോലിയത്ത് ന്റെ കഥയറിയാമോ? കൂട്ടത്തിൽ ഒരു മിടുക്കി പെട്ടെന്ന് കഥ ചുരുക്കി പറഞ്ഞു. ഞാൻ ചോദിച്ചു, “ ഡേവിഡ് ജയിച്ചത് അവന്റെ ശക്തി ബലം കൊണ്ടാണോ?”. അവരൊരുമിച്ചു പറഞ്ഞു: “അല്ല”. “ഡേവിഡിനു കൂട്ടായി ഒത്തിരി ആയുധങ്ങളോ, കൂട്ടിന് ആളുകളോ ഉണ്ടായിരുന്നോ”? “ഇല്ല”, അവർ വീണ്ടും ഒരുമിച്ചു പറഞ്ഞു. “പിന്നെ എങ്ങനെ ഡേവിഡ് ജയിച്ചു?”. ഉടൻ അവരിൽ ഒരു മിടുക്കി പറഞ്ഞു. “ ദൈവം അവനെ സഹായിച്ചു”.

എന്നാൽ ആന്റി ഒരുക്ക് ചോദ്യം ചോദിക്കട്ടെ? നിങ്ങൾക്ക് ഡേവിഡ് ടീം ൽ കളിക്കണോ? അതോ goliath ടീമിൽ കളിക്കണോ? അവർ ഒരുമിച്ച് ഒരേ സ്വരത്തിൽ പറഞ്ഞു: “we are Team ഡേവിഡ്”.

അപ്പോൾ ഞാൻ ചോദിച്ചു: “ അപ്പോൾ നിങ്ങൾക്ക് ജയിക്കാൻ എന്തെങ്കിലും chance ഉണ്ടോ”? അവരിൽ കുറച്ച് പേർ വളരെ മടിച്ചു മടിച്ചു തലയാട്ടി.ഒരു സംശയം ഇപ്പോഴും ഉണ്ട് എന്നുക് മനസ്സിലായി! “എന്നാൽ നമുക്കൊന്ന് പ്രാർത്ഥിച്ചാലോ?” ഞങ്ങൾ കൈ കോർത്തു ഒരുമിച്ച് പ്രാർത്ഥിച്ചു: “സ്വർഗസ്ഥനായ പിതാവെ, നന്മ നിറഞ്ഞ മറിയമേ”.

അതിന് ശേഷം ഞങ്ങൾ വചനം ഉരുവിട്ടു അവരുടെ മേൽ claim ചെയ്തു പ്രാർഥിച്ചു. “കർത്താവായ ദൈവമാണ് എൻറെ ബലം. കലമാൻറെ പാദങ്ങൾക്കെന്നപോലെ അവിടുന്ന് എൻറെ പാദങ്ങൾക്കു വേഗത നൽകി. ഉന്നതങ്ങളിൽ അവിടുന്ന് എന്നെ നടത്തുന്നു.”(ഹബക്കുക്ക്‌ 3 : 19).

ഞാനെന്റെ കൊന്ത എടുത്തു കൈയ്യിൽ ഉയർത്തി പിടിച്ചു കൊണ്ട് അവരോട് വാഗ്ദാനം ചെയ്തു. “ ഞങ്ങൾ അമ്മമാർ നിങ്ങൾക്ക് വേണ്ടി mamma മേരിയോട് മധ്യസ്ഥം ചെയ്തോളാട്ടോ”. അവർ സന്തോഷത്തോടെ കോച്ചുകളുടെ കൂടെ warm up തുടങ്ങി. ഞങ്ങൾ കയ്യിൽ കൊന്തയെടുത്തു!

കളിയുടെ തുടക്കം opposite team നല്ല ശക്തമായിരുന്നു! പക്ഷേ പെട്ടെന്ന് ഞങ്ങളുടെ ഇസക്കുട്ടി നല്ലൊരു basket ഇട്ടു. പിന്നെ കളിയുടെ ദിശ മാറി. opposite ടീമിന്റെ confidence ഒഴുകി പോകുന്നത് അവരുടെ മുഖത്ത് കാണാമായിരുന്നു. പക്ഷേ, ഞങ്ങളുടെ കുട്ടികളുടെ മുഖത്ത് നല്ല ദൃഢ നിശ്ചയം കൂടി വരുന്നു! പിന്നെ തകർപ്പൻ കളിയായിരുന്നു.

അവർ നിർത്തിയപ്പോൾ സ്കോർ ബോർഡ് കണ്ടാൽ വിശ്വസിക്കത്തില്ല: 5/30. എതിരാളികളേക്കാൾ 6 ഇരട്ടി സ്കോറുമായി വൻ വിജയം നേടി അവർ ഓടിവന്ന് ഞങ്ങളെ യോരോരുത്തരെയും കെട്ടി പിടിച്ചു. ദൈവത്തിന് നന്ദി! Congratulations to Team David!

അപ്പോൾ ദൈവം വീണ്ടും ഒരു വചനം ഹൃദയത്തിലേക്ക് നൽകി: “ജനതകളുടെ ഇടയിലേക്കു നോക്കി വിസ്മയഭരിതരാകുവിൻ. പറഞ്ഞാൽ വിശ്വസിക്കാനാവാത്ത ഒരു പ്രവൃത്തി നിങ്ങളുടെ നാളുകളിൽ ഞാൻ ചെയ്യാൻ പോകുന്നു”. (ഹബക്കുക്ക്‌ 1 : 5).പൗലോസ് ശ്ലീഹ ഓർമ്മിപ്പിക്കും പോലെ, കളിക്കാരിൽ ഒരാളേ വിജയിക്കൂ! ജയത്തേക്കാൾ ഉപരിയായി, ഈ മത്സരങ്ങളിലൂടെയെല്ലാം ദൈവശ്രേയ ബോധം വളർത്തിയെടുക്കാം, നമ്മുടെ കുട്ടികളിൽ!