ചങ്ങനാശേരി അതിരൂപതയെ 27 വർഷം നയിച്ച ആർച്ച്‌ ബിഷപ്പ് മാർ ജോസഫ് പെരുന്തോട്ടം വിരമിക്കുന്നു

കോട്ടയം: 50 വർഷം മിശിഹായുടെ വിശ്വസ്ത പുരോഹിതനായും 22 വർഷം മെത്രാനായും 5 വർഷം മെത്രാപ്പോലീത്തയായും ചങ്ങനാശേരി അതിരൂപതയെ വിശ്വസ്തതയോടെ നയിക്കുന്ന ബിഷപ്പ് മാർ ജോസഫ് പെരുന്തോട്ടം വിരമിക്കുന്നു. സിറോ മലബാർ മെത്രെന്മാരുടെ വിരമിക്കൽ പ്രായമായ 75ാം ജന്മദിനത്തിൽ തന്നെ സിറോ മലബാർ സിനഡിന് തന്റെ രാജിക്കത്ത് മാർ ജോസഫ് പെരുന്തോട്ടം നൽകിയിരുന്നു.

മിശിഹായെ അടുത്തനുഗമിക്കുന്ന മാർ‌ ജോസഫ് പെരുന്തോട്ടത്തിന് അമ്മയായ സഭയാണ് എല്ലാമെല്ലാം. സഭയുടെ പാരമ്പര്യത്തെയും ആരാധനാ ക്രമത്തെയും പ്രണയിച്ച ചരിത്രത്തിൽ അഗാധ പാണ്ഡിത്യമുള്ള പിതാവ് സിറോ മലബാർ സഭയ്ക്കും ആഗോള കത്തോലിക്കാ സഭയ്ക്കും നൽകുന്ന സംഭാവനകൾ വർണനാതീതമാണ്. കുട്ടനാടിനോട് അദേഹത്തിനുള്ള കരുണയും താല്പര്യവും ഹൃദയസപർശിയായാണ്.

പ്രളയ കാലത്തെ അതിജീവിക്കുന്നതിനായി കുട്ടനാടിൻ ജനതയ്ക്ക് പെരുന്തോട്ടം പിതാവിന്റെ നേതൃത്വത്തിൽ 100 കോടി രൂപയുടെ പ്രോജക്ട് ആണ് ജാതിമത ഭേദമന്യേ നടത്തി വന്നത്. അതിരൂപതയിൽ ആധ്യാത്മിക ഭൗതിക മേഖലയെ ത്വരിതപ്പെടുത്താനുതകും വിധം പഞ്ചവത്സര അജപാലന പദ്ധതിയ്ക്ക് രൂപം കൊടുത്തതും പെരുന്തോട്ടം പിതാവാണ്. കർഷക സ്നേഹിയായ പിതാവിന് പ്രവാസികളോടുള്ള താല്പര്യവും വാത്സല്യവും എടുത്ത് പറയേണ്ടതാണ്. പിതാവിന്റെ ദീർഘവീക്ഷണത്തോട് കൂടിയ പ്രവർത്തനങ്ങൾ അതിരൂപതയെ വിശ്വാസ പരിശീലന കാര്യങ്ങളിലും ആത്മീയ സംഘടന പ്രവർത്തനങ്ങളിലും ബഹുദൂരം വളർത്തി.

ദൈവവിളിയെക്കുറിച്ചുള്ള പിതാവിന്റെ വാക്കുകൾ

ദൈവവിളിക്കുള്ള ആഗ്രഹം എനിക്ക് എങ്ങനെ ഉണ്ടായി എന്ന് ഞാൻ പലപ്പോഴും ചിന്തിച്ചിട്ടുണ്ടെന്ന് പിതാവ് തന്നെ തുറന്ന് പറഞ്ഞിട്ടുണ്ട്. സെമിനാരി ചേരുന്നതിനായി ആരും എന്നോട് പറഞ്ഞിട്ടില്ല. പക്ഷേ വൈദികനായതിന് ശേഷം വർഷങ്ങൾ കഴിഞ്ഞ് റോമിൽ പഠനത്തിന് വിട്ട അവസരത്തിൽ അതിന് തൊട്ടുമുമ്പായി അമ്മ എന്നോട് പറഞ്ഞു.

രാത്രിയിൽ എഴുന്നേറ്റിരുന്ന് പ്രാർത്ഥിക്കുമായിരുന്നു. വീട്ടുമുറ്റത്ത് മണലിൽ മുട്ടുകുത്തി നിന്ന് എനിക്കുവേണ്ടി പ്രാർത്ഥിക്കുമായിരുന്നു എന്ന് അമ്മ പറഞ്ഞതായി പിതാവ് പറഞ്ഞു. ഉപവാസവും പ്രാർത്ഥനയും അധ്വാനിക്കുന്ന ജനവിഭാഗത്തിനോടുള്ള കരുതലും സ്നേഹവും മറ്റുള്ളവരെ കേൾക്കുവാനും ബഹുമാനിക്കുവാനും കൊച്ചു കുട്ടികളോടുള്ള വാത്സല്യവും അഭിവന്ദ്യ പിതാവിന്റെ പ്രത്യേകതയായിരുന്നു.

വ്യക്തി ജീവിതം

കോട്ടയം പുന്നത്തുറയിലെ കൊങ്ങാണ്ടൂർ ഗ്രാമത്തിൽ പെരുന്തോട്ടം കുടുംബത്തിൽ ജോസഫ് അന്നമ്മ ദമ്പതികളുടെ മകനായി 1948 ജൂലൈ അഞ്ചിനാണ് മാർ ജോസഫ് പെരുന്തോട്ടം ജനിച്ചത്. 1974 ഡി​സം​ബ​ർ 18നാ​ണ് മാ​ർ പെ​രു​ന്തോ​ട്ടം പൗ​രോ​ഹി​ത്യം സ്വീ​ക​രി​ച്ച​ത്. കൈ​ന​ക​രി ഇ​ട​വ​ക​യി​ൽ അ​സി​സ്റ്റ​ന്റ് വി​കാ​രി​യാ​യി ആ​ദ്യ ​നി​യ​മ​നം.

1983 ൽ ​റോ​മി​ലെ ഗ്രി​ഗോ​റി​യ​ൻ യൂ​ണി​വേ​ഴ്സി​റ്റി​യി​ൽ നി​ന്ന് സ​ഭാ ​ച​രി​ത്ര​ത്തി​ൽ ഡോ​ക്ട​റേ​റ്റ് നേ​ടി. 1989-ൽ ​വ​ട​വാ​തൂ​ർ സെ​ൻറ് തോ​മ​സ് അ​പ്പ​സ്തോ​ലി​ക് സെ​മി​നാ​രിയിലും മാ​ങ്ങാ​ന​ത്തു​ള്ള മി​ഷ​ന​റി ഓ​റി​യ​ൻറേ​ഷ​ൻ സെ​ന്ററിലും പ്ര​ഫ​സ​റാ​യി പ്രവർത്തി​ച്ചു. അ​തി​രൂ​പ​താ മ​ത​ബോ​ധ​ന​ കേ​ന്ദ്ര​മാ​യ സ​ന്ദേ​ശ​ നി​ല​യം ഡ​യ​റ​ക്ട​ർ, അ​തി​രൂ​പ​ത​യി​ലെ കാ​ത്ത​ലി​ക് വ​ർക്കേ​ഴ്സ് മൂ​വ്മെ​ന്റ് ചാ​പ്ലെ​യി​ൻ തു​ട​ങ്ങി​യ നി​ല​ക​ളി​ൽ സേ​വ​നം അ​നു​ഷ്ഠി​ച്ചു.

ദൈ​വ​സ്ത്ര പ​ഠ​ന​ കേ​ന്ദ്ര​മാ​യ മാ​ർത്തോ​മ്മാ വി​ദ്യാ​നി​കേ​ത​ന്റെ സ്ഥാ​പ​ക​ ഡ​യ​റ​ക്ട​ർ കൂ​ടി​യാ​ണ് മാ​ർ പെ​രു​ന്തോ​ട്ടം. 2002 ഏ​പ്രി​ൽ 24 ന് ചങ്ങ​നാ​ശേ​രി അ​തി​രൂ​പ​ത​യു​ടെ സ​ഹാ​യ​ മെ​ത്രാ​നാ​യും 2007 മാർച്ച് 19 ന് ​ആ​ർച്ച് ബിഷ​പ്പാ​യും നി​യ​മി​ത​നാ​യി. ആ​രാ​ധ​ന ​ക്ര​മ​ത്തെ​ക്കു​റി​ച്ചും സ​ഭാ ച​രി​ത്ര​ത്തെ​ക്കു​റി​ച്ചും പു​സ്ത​ക​ങ്ങ​ൾ ര​ചി​ച്ചി​ട്ടു​ണ്ട്.