ദുബായ്: പ്രാവാസികൾക്ക് ആശ്വാസം. യുഎഇയിൽ ഈ മാസത്തെ ഇന്ധനവിലയിൽ കുറവ്. രാജ്യാന്തരതലത്തിൽ ക്രൂഡ് ഓയിലിന് വിലകുറഞ്ഞ സാഹചര്യത്തിലാണ് ഇത്. ഇതോടെ പെട്രോൾ ലീറ്ററിന് 24 ഫിൽസും ഡീസലിന് 18 ഫിൽസും കുറഞ്ഞു.
യുഎഇ ഇന്ധനവില നിര്‍ണയ സമിതിയാണ് പുതിയ നിരക്കുകള്‍ പ്രഖ്യാപിച്ചത്. സൂപ്പര്‍ 98 പെട്രോള്‍ ലിറ്ററിന് 2.66 ദിര്‍ഹം ആണ് പുതിയ വില. സെപ്റ്റംമ്പർ മാസത്തില്‍ ഇത് ലിറ്ററിന് 2.90 ദിര്‍ഹം ആയിരുന്നു. സ്പെഷ്യല്‍ 95 പെട്രോള്‍ ലിറ്ററിന് 2.54 ദിര്‍ഹം ആണ് ഒക്ടോബര്‍ മാസത്തിലെ നിരക്ക്. സെപ്റ്റംമ്പർ മാസത്തില്‍ ഇത് 2.78 ദിര്‍ഹം ആയിരുന്നു. ഇ-പ്ലസ് 91 പെട്രോളിന് 2.47 ദിര്‍ഹം ആണ് പുതിയ നിരക്ക്. 2.71 ദിര്‍ഹം ആയിരുന്നു സെപ്റ്റംമ്പർ മാസത്തില്‍. ഡീസലിനും വില കുറഞ്ഞു. 2.6 ദിര്‍ഹം ആണ് പുതിയ നിരക്ക്. കഴിഞ്ഞമാസം ഇത് 2.78 ദിര്‍ഹം ആയിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.