ഷം​​​​​ഷാ​​​​​ബാ​​​​​ദ് രൂ​​​​​പ​​​​​ത​​​​യുടെ ഇടയനായി മാർ പ്രി​​​​​ൻ​​​​​സ് ആ​​​​​ന്‍റ​​​​​ണി പാ​​​​​ണേ​​​​​ങ്ങാ​​​​​ട​​​​​ൻ ഇന്ന് സ്ഥാ​​​​​ന​​​​​മേ​​​​​ൽ​​​​​ക്കും

ഹൈദരാബാദ് : ഷംഷാബാദ് രൂപതയുടെ മെത്രാനായി മാർ പ്രിൻസ് ആന്റണി പാണേങ്ങാടൻ ഇന്ന് സ്ഥാനമേൽക്കും. ബാ​ലാ​പു​രി​ലെ ബി​ഷ​പ്സ് ഹൗ​സിൽ പ്ര​ത്യേ​കം സ​ജ്ജീ​ക​രി​ക്ക​പ്പെ​ട്ട വേ​ദി​യി​ലാ​ണ് സ്ഥാ​നാ​രോ​ഹ​ണ​ച്ചട​ങ്ങു​ക​ൾ. ആ​ഘോ​ഷ​മാ​യ വി​ശു​ദ്ധ കു​ർ​ബാ​ന​യും പൊ​തു​സ​മ്മേ​ള​ന​വും ഉ​ണ്ടാ​യി​രി​ക്കും.

ഷം​ഷാ​ബാ​ദ് രൂ​പ​ത​യു​ടെ പ്ര​ഥ​മ​ മെ​ത്രാ​നാ​യി​രു​ന്ന മാ​ർ റാ​ഫേ​ൽ ത​ട്ടി​ൽ സീ​റോ മ​ല​ബാ​ർ സ​ഭ മേ​ജ​ർ ആ​ർ​ച്ച് ബിഷ​പ്പാ​യി തിര​ഞ്ഞെ​ടു​ക്ക​പ്പെ​ട്ട​തി​നെത്തുട​ർ​ന്നു​ള്ള ഒ​ഴി​വി​ലാ​ണ് അ​ദി​ലാ​ബാ​ദ് ബി​ഷ​പ്പാ​യി​രു​ന്ന മാ​ർ പാ​ണേ​ങ്ങാ​ട​ൻ ഷം​ഷാ​ബാ​ദ് രൂ​പ​താ​ധ്യ​ക്ഷ​നാ​യി നി​യ​മി​ത​നാ​യ​ത്.

സ്ഥാ​നാ​രോ​ഹ​ണ തി​രു​ക്ക​ർ​മ​ങ്ങ​ൾ​ക്ക് സീ​റോമ​ല​ബാ​ർ സ​ഭ മേ​ജ​ർ ആ​ർ​ച്ച് ബിഷ​പ്പ് മാ​ർ റാ​ഫേ​ൽ ത​ട്ടി​ൽ മു​ഖ്യ​കാ​ർ​മി​ക​ത്വം വ​ഹി​ക്കും. സ്ഥാ​ന​മേ​റ്റ​ശേ​ഷം മാ​ർ പ്രി​ൻ​സ് ആ​ന്‍റ​ണി വി​ശു​ദ്ധ കു​ർ​ബാ​ന അ​ർ​പ്പി​ക്കും. സി​ബി​സി‌​ഐ പ്ര​സി​ഡ​ന്‍റും തൃ​ശൂ​ർ ആർച്ച് ബിഷപ്പുമായ മാ​ർ ആ​ൻ​ഡ്രൂ​സ് താ​ഴ​ത്ത് വ​ച​ന​ സ​ന്ദേ​ശം ന​ൽ​കും.

മാർ പ്രി​​​​​ൻ​​​​​സ് ആ​​​​​ന്‍റ​​​​​ണി പാ​​​​​ണേ​​​​​ങ്ങാ​​​​​ട​​​​​ൻ

തൃശൂർ അതിരൂപതയിലെ അരിമ്പൂർ സെൻ്റ് ആൻ്റണീസ് ഇടവകയിൽ പി.ജെ ദേവസിയുടെയും എ. എം കൊച്ചുത്രേസ്യായുടെയും രണ്ടാമത്തെ മകനായി 1977 മാർച്ച് 13 നാണ് മാർ പ്രിൻസ് ആൻ്റണി പാണേങ്ങാടൻ ജനിച്ചത്. സ്കൂൾ വിദ്യാഭ്യാസത്തിന് ശേഷം സി.എം.ഐ സന്ന്യാസ സമൂഹത്തിൽ പരിശീലനം ആരംഭിച്ചു.

നോവിഷ്യേറ്റ് പഠനം പൂർത്തിയാക്കിയ ശേഷം അദിലാബാദ് രൂപതയ്ക്ക് വേണ്ടി വൈദിക പരിശീലനം തുടർന്നു. ബാംഗ്ലൂരിലെ ധർമാരാം വിദ്യാക്ഷേത്രത്തിൽ നിന്ന് തത്വശാസ്ത്രവും ഉജ്ജയിനിലെ റൂഹാലയ മേജർ സെമിനാരിയിൽ നിന്ന് ദൈവശാസ്ത്രവും പൂർത്തിയാക്കി.

2007 ഏപ്രിൽ 25ന് മാർ ജോസഫ് കുന്നത്ത് പിതാവിൽ നിന്ന് പൗരോഹിത്യം സ്വീകരിച്ച അദേഹം കത്തീഡ്രൽ അസി. വികാരി, ഡാലിഗാൺ മിഷൻ സ്റ്റേഷൻ പ്രീസ്റ്റ് ഇൻ ചാർജ് എന്നീ നിലകളിൽ അജപാലന ശുശ്രൂഷകൾ ചെയ്‌തു. ഉപരിപഠനത്തിനായി റോമിലേക്ക് അയ്ക്കപ്പെട്ട അദേഹം റോമിലെ ഉർബാനിയൻ യൂണിവേഴ്സിറ്റിയിൽ നിന്ന് ബിബ്ലിക്കൽ തിയോളജിയിൽ ഡോക്ടറേറ്റ് നേടി. പിന്നീട് രൂപതയിൽ തിരിച്ചെത്തിയ അദേഹം 2015 ഒക്ടോബർ 29 ന് അദിലാബാദ് രൂപതയുടെ രണ്ടാമത്തെ മെത്രാനായി അഭിഷിക്തനായി.